今日利用餘下的獎金買下機頂盒
之前估計居住地區肯定收到信號
只係大廈天線未調整，要靠室內天線接收
紙上談兵無用，始終要有一台實物做測試
難得的是，百老匯係容許退款的(當然買之前問清楚)
如果用盡方法都收不到訊號就可以退款
有這個「退款保障」，我先夠膽去博一鋪
如我所料，駁大廈天線只收到四個標清台
用室內天線就要將天線直接放出室外先收到全部頻道
但室內天線條線實在太短，幸好時間尚早
臨食飯前買一條 30呎長的延長天線
經過一小時的setting ，終於都一嘗所願
睇到高清頻道了
不過難題又來了
第一：將室內天線當室外用，如果落雨點算?睇來要搵日OFF去鴨寮街搵小型室外天線
第二：因為天線對唔到慈雲山，唯有收其他大廈的反射波。如果其餘主要發射站都啟用，相信接收會有改善
第三：家人對睇數碼頻道要教識開啟次序
暫時就係咁
真期待今個星期六的《華麗一族》
沒有留言:
發佈留言