夜市人生最新力作: 夜市戰士!!!

熱爆名詞:金坷垃

這個是我見過最誇張的廣告
比香港樓盤廣告誇張N倍
(香港廣告再誇張都係由將軍澳望到去瑞士)

但金坷垃就「一山還有一山高」
其中一段聲稱:「金坷拉 在美國最高絕密中，與核武器同列第一。它是改變一個國家農業局面的核~武~器~」
化肥和核武器同級?我實在太out了
XDDDDDDDDD

什麼三萬度高溫，1000隻貨輪/飛機/車輛等等。
吐嘈不能，之前話產量有限，跟著又話大量生產
究竟邊個才是真?
XDDD

睇過內地網民大量惡搞MAD




將K-on隻ED和《超電磁砲》op結合，實在太強

灌籃高手《想大聲說金坷垃》




睇完原版廣告就會明白為何那麼多惡搞物?
一個化肥廣告可以吹到咁大，廣告本身就是惡搞。

忍著淚與膠袋GOODBYE

笑到標眼水
雖然80年代是我成長的年代
但對小虎隊只是到聽過名的階段

但因為以上的惡搞版
先留意到這個被遺忘的合唱組合

再附上原版MV


隻歌本身無問題(黎小田作曲、黃霑作詞)，唱得好有感情
和而家所謂情歌mv懶係有感情完全不同

但MV就非常騎呢，可能80年代觀眾要求不高
首歌同做gym有乜關係?

順帶一提，在youtube上都有好多這首mv的惡搞
但最爆笑的就係《忍著淚與膠袋GOODBYE》
抄足原版MV的爆笑動作

DVD的不合理事情

在07年我寫過篇stop、stop、play的文章

到09年AVGN有同樣的見解
而且更詳細列出DVD種種不合理的事情

片中除了針對入碟後要硬睇logo/預告片 ，按menu又不能跳過的情況
入menu因為有大量華而不實的效果，想睇套戲都要十分鐘先睇到

還有DVD的千奇百怪包裝，好像拆禮物般先拎到碟出來睇

他都提及VHS反而方便過DVD，不計因為磁帶損耗而畫質變差
VHS做到入帶即睇，唔想睇logo按FF可以飛過
但DVD反而退步，其實DVD最好做到入碟即入Menu，這個係完全講中我想講的野。

一套戲會有N個版本，我相信自LD時代已出現
不只是美國，其他地區都係一樣，鐵盒/限量/終極版
仲有前一版用DD5.1，下一版就用DTS

DVD的播放總時間我就一直無留意
run time點解要寫 153min而不顯示2小時33分鐘?
這個問題我都諗左好耐，都諗不到點解

以上情況，就算在Blu-Ray碟都無改善過
要提的就係入Menu可以一邊睇戲，一邊setMenu 無需中斷影片

但Blu-Ray有一樣更恐怖的是讀碟，不計新機種改善讀碟時間
一般機種由開機讀碟要30-60秒，如果BD有附加效果就更耐
《DIE HARD 4.0》要兩分鐘，仲有上面提及的什麼預告片/logo

幾乎要5分鐘先睇到套戲

不論Blu-ray或DVD
我都係想入碟就即去Menu就夠
不要再加華而不實的效果了

想節能，輪胎能

我想YOKOHAMA都估不到這個廣告竟然做了「另類宣傳」

經典重溫:外山恒一

先睇片段，有心人連加上字幕
這位仁兄不用眨眼睛好厲害
最尾段豎起「中指」簡直一絕





其實這幾條片已流傳超過一年，如今再重溫
又帶來一個歡樂的晚上

Glenn Medeiros / Lonely won't leave me alone (1987)

估不到，而家先睇到原版MTV

秋天的童話，經典對白

Vincent：「Woody Allen講過，愛情要好似條鯊魚咁不停向前游架。」


船頭尺：「阿倫邊有咁講過?！阿倫凈係話『這陷阱！這陷阱！偏我遇上』之嘛！
Bull shit！」

講起來，我仲未《秋天的童話》DVD

CT2 ，短命的「手機」

放工回家執房
偶然搵番部 CT2出來

20歲以下的應該未見過


拎部 2006年的M600i作對比




就發覺科技進步得太快
除了體積，連帶功能都幾級跳

當年除了和記天地線，仲有其士步步通
相中這部就係訊聯電訊的經緯站CT2

初期CT2係幾流行，當年手機價錢仲係過萬的時候
CT2就用「平」再配合call機


搵到接收站先可以打出
只可打出, 不可打入,用AAA電池
要在接收站附近企定講,坐車講會斷線


當年和記天地線廣告鋪天蓋地，最經典的當然係黎明的「天地情緣」系列廣告



睇完一系列的廣告，再睇番這部CT2，深深感受到「食之無味，棄之可惜」

Precious Memories - 栗林みな実

這首歌由04年4月聽到而家，幾乎每日都要聽一次





作詞　栗林みな実
作曲　栗林みな実
編曲　飯塚昌明
歌　　栗林みな実

熱い陽射し　眩しくて
思い出すのあの夏を
痛みなんて知らずにいたの
笑顔いつも嬉しくて

夢も憧れも求め続けてた
私を呼ぶ声が　遠く聴こえる
ずっと、ずっと見つめてた
　真っ直ぐな想いは
　果てしない空へと駆け抜ける
　あふれる涙をそっと
　この手に抱きしめる
　いつかまた　会えるかな
　あの丘で…

青い風に誘われて
雲がかたち　変えていく
過ぎた時間（とき）を教えてくれた
写真　今はセピア色

二人で交わした小さな約束
心の片隅で　静かに眠る

　ずっと、ずっと忘れない
　大切な想いを
　終わらない明日へ描いていく
　あなたがくれた言葉は
　宝物になって
　この胸で　輝くの
　永遠に…


ずっと、ずっと見つめてた
　真っ直ぐな想いは
　果てしない空へと駆け抜ける
　あふれる涙をそっと
　この手に抱きしめる
　いつかまた　会えるかな
　あの丘で…

如有雷同，實屬巧合?

香港樓盤廣告 - The Long Beach 浪澄灣




Rolex Oyster Perpetual: Yacht-Master II





太相似了，又一個抄到十足的廣告
順帶一提，Rolex個廣告在官網上有得download

但浪澄灣廣告係最近兩星期才在電視播出
都唔駛抄到咁足嘛，香港樓盤廣告除了古靈精怪的樓盤名
連廣告都係風馬牛不相及的，故意淡化實際位置
都以前樓盤廣告較實在，最少睇完廣告都知道樓盤位置

樓盤名稱真係網上熱門回帶題目之一
什麼世界花園，海濱南岸

而家連商場都來個「圓方」
幾時到「圓寂」?

林姍姍 - 戀愛預告

又係港產片其中的經典系列

歌同電影都係
最近逛三聯，睇到《新藝城神話》一書
雖然已經係十年前的書，但而家睇番都不覺得內容脫節

書中提到睇到港產片黃金時期種種人事，光怪陸離的現象
提到新藝城十年的電影list

而家先留意到，原來我都睇過好多「新藝城」出品的電影

但而家不論港產片同西片
不知為什麼，總係不想入場

可能心裡經常諗著，好快出DVD的，等幾個月想幾時睇都得
又無須要忍受缺德人士如何電影播放中，大大聲爆劇情講電話

尤伯連納 臨死前的忠告

童年時經常從電視機睇這個廣告
家人經常用這個廣告來教導我不要吸煙

可能受這個廣告影響，直到現在我都無成為煙民

譚炳文配音版








原版

海闊天空 Beyond Concert 1996

而家睇番百感交集


當年(96年)
用$260買的第一隻也是最後一隻的LD(當年未有DVD)
到02年，LD機壞左，最後要免費送給人
而家諗番有點後悔..............

CD就keep到而家，整成MP3之後就一直無拎隻CD出來聽




歌詞

今天我 寒夜裡看雪飄過
懷著冷卻了的心窩飄遠方
風雨裡追趕 霧裡分不清影蹤
天空海闊 你與我 可會變 (誰沒在變)

多少次 迎著冷眼與嘲笑
從沒有放棄過心中的理想
一剎那恍惚 若有所失的感覺
不知不覺已變淡 心裡愛 (誰明白我)

原諒我這一生不羈放縱愛自由
也會怕有一天會跌倒
背棄了理想 誰人都可以
那會怕有一天只你共我

仍然自由自我 永遠高唱我歌 走遍千里

1996 - Omega Watch Ad

我承認係因為睇過007金眼睛

先留意到omega seamaster系列

Omega Seamaster TV commercial(Casino Royale)



置入性行銷果然厲害

張洪量 美麗的花蝴蝶

我知道有隻歌先係睇港產片《92黑玫瑰對黑玫瑰》
這套片將這隻歌用來放在結尾來播

到某一日，搭小巴時候，聽收音機先知道唱歌果位就係張洪量

提到張洪量
當然都要介紹下最經典的《你知道我在等你嗎》



我記得小學四年級左右，這隻歌流行了一段時間
當時仲玩改歌詞

現在重溫一番
又回憶好多往事

可惜而家所謂本地流行曲，無法給到這種感覺

電影《聖誕快樂》(1984年) 插曲「等」

電影《聖誕快樂》
我都睇過好多次，睇到連對白都識背


「等」 MTV



我而家覺得本地80年代舊歌好過而家好多
聽舊歌聽得耐就越不想/不肯去接觸現今所謂「本地流行曲」

已經有種「本地歌=差」的主觀感覺

港產片都係，以前港產片的種類多不勝數
就算係爛片都有似樣的劇本

唔似而家咁，我連買正版DVD/VCD都慳番
又係果個主觀地認為「本地=差」

點解會咁?

A貨迪士尼

內地已經有一個「迪士尼」



內地假野層出不窮，可以整個樂園都照抄可也

真係「化神奇為腐朽」
各種人物大玩crossover
睇到類似「叮噹」的物體，就笑到停唔到
巡遊似妖獸出籠，惡搞版高飛狗
基因突變的米奇同米妮

這個場原來專做內地客，連香港導遊好多只聽過其名
今次被日本電視台踢爆
又被人放上youtube，短短幾日已有幾十萬人睇過

今次這個樂園真係「全球知名」了

不過人家「樂園」雖然係抄人
但它又做到吸引大批人

香港的迪士尼真係認真要學下如何吸引入場人次
不要在高高在上了

《誰可相依》

先係蘇芮的《誰可相依》
電影《龍的心》主題曲



在youtube真係搵到好多回憶

《龍的心》我係斷斷續續咁睇，未試過完整地一次過睇完
當年在電視機播果陣係聽到《誰可相依》這首歌先留意到這套電影
不愧為經典，在而家經典回帶的時代，要尋找這隻歌應該唔難
反正而家經典歌精選銷量好多而家新人+K歌N倍


提起蘇芮
當然要介紹成名曲《酒干倘賣無》



電影《搭錯車》主題曲
《搭錯車》我係可以一次過睇完的電影，睇完好想哭

VCD都翻出過N次，這套片未見過「修復版」
反而《龍的心》就有

Policenauts Demo 1995 Ver.

好奇怪 MGS系列就好多人知道
同樣係小島秀夫監督
但這隻 Policenauts 就比較少人知道

雖然係十年以上的舊Game
而家睇番個故事絕對可以拍電影
可能隻game本身係當作一部電影來製作

幾個移植版之中，SS版係最終形態
連PS版的用語集都收錄在內，有時game的專有名詞難以理解
SS版就有個用語搜尋系統方便玩家，果個用語解說真係太詳細
連「非接觸式車票」都有

如果玩過心跳Drama系列就留意到，game的系統係來自這隻game
甚至某些場景都有用(虹色的青春裡面的過山車)
心跳Drama系列睇的「電影」
係Policenauts同Metal Gear Solid

虹色的青春仲有個突發答問，講番電影的內容
未玩過policenauts的會不明白問什麼
例如NARC係乜?

講番點解我會接觸這隻game?
在96年8月左右，睇《Game player》的遊戲小說系列
(我記得果一期有DEATH CRIMSON的game評，這個有時間再講)
真係佩服編輯有時間去翻譯這隻做足資料搜集的game

只係睇左一期就對隻game著迷，主要係被世界觀吸引
後來睇發售時間表，SS版係1996年9月13日發售
(而家還保存著，PS版我都有)

我記得係玩兩次先知道整個故事
最初只係尋人，到中段就發覺係好大陰謀

(睇PS版的資料集，原本係悲劇收場，主角最後係射殺。最後先改番無咁慘)