總算買了張 8GB CF卡

由7月開始睇住CF卡價錢不停下跌

7月中 一張SanDisk Extreme III 8GB要 $610

12月尾跌到 $365 ，已經到了入貨時機
原本想買張 Extreme IV，但考慮過價錢問題
III都夠用，現時無需用IV

記得以前D人成日講，最好買兩張容量較細的卡
如果死卡就麻煩。
但近年卡容量越大，價錢越平，如果真係死卡都係會買張新的算數

我自己好幸運，未遇到死卡問題
但跟著輪到電腦HDD的問題。

眼鏡

自9月換了眼鏡後

想起自己戴了幾耐眼鏡?
只記得在讀幼稚園高班開始戴

果個年代戴眼鏡係好少有，第一次戴眼鏡上課就被全班同學笑
印象深刻，當然老師講解過後就無人再笑
唔知道當年取笑我的，日後會不會載眼鏡呢?

2008年 AGS Day3

AGS已經搞左7年，自從第一屆有被「搵笨」的感覺之後
之後再無入場

今年的所謂AGS場內氣氛?無入場可以講乜?
估都估到，PS3的弱勢，將前兩代的成績完全敗光
機就出了兩年，「救機神作」變成笑柄。
只有PS3的game show又有什麼氣勢可言?

不過都唔係一無是處的。
今年和上年一樣，最少四份一個hall C做排隊
其餘係更衣室和攝影區(場內唯一攝影區)
室內光猛過去年，用 iso 800絕對無問題

上年只係入hall都有入計入場入人次，但今年計算方法唔同左
直到現在有懷疑過入場人次有誇大之嫌

原本都打算Day 2去影，但上次漫節1900先放工
影得好少，體力透支。所以今次集中一日Day 3就算

講得太遠，今次影相過二百，最後篩選超過一百
只要唔限死自己就發揮到以往的水平

Apple Earphones with Remote and Mic

12月17日凌晨落 order
估不到19號早上就收到

都係貪佢有remote用(能對應2nd gen ipod touch就得)
睇討論區，見到有人出review，講到可以用shure 黑棉

實際試下又怎樣?

原來係要「夾硬」塞落去先用到黑棉
因為原裝耳膠隔音差過 e3c

但一用黑棉就完全不同，隔音比得上e3c
一直用開的e3c成日驚佢爆線
強行塞入不合size的耳棉
結果就係有入無出，換耳膠就必需犧牲黑棉

這對earphone 是龍是蛇，等佢煲到一定時間再講吧

但$620就有高/低音單元，仲想點樣?

12/7-13週記

12月頭又病一次
都係睡眠不足，因為人手不足，NGN都要繼續去

由7號返8點，跟著凌晨直踩朝早7時
返到家只睡三小時，想唔病都難...........

5號買隻BD版《蝠蝙俠黑夜之神》

7月上映都無入戲院睇

只睇了20分鐘
用IMax拍的片段真係好清

雙碟價$289，貴過美版BD
阿Q精神咁諗，$289除二，就唔覺佢貴

10號晚上又來凌晨，今次就有足夠休息，總算捱過
一諗起之後的OT錢，就身痕好想買Apple 果對in-ear headphone

磁王

什麼係磁王?
簡單來講係強力磁石，比普通磁石磁力強好多

記得在幾年前，屋企裡有個用磁力關門的櫃出問題
又係例牌的磁石磁力不足，個櫃用三粒磁石來鎖
但櫃門都好容易拉出來

當時就買了三粒長方型的「磁王」來解決
估不到只用一粒就鎖到度櫃門好實

跟著餘下的兩粒就一直貼在雪櫃門上

經過多年歲月摧殘，這兩粒磁王終於有新的「任務」

就係將冷氣機頂上的3M地氈完全固定
因為我家外牆的水管漏水好嚴重，之前已經整壞過一部冷氣機
加上滴水聲經過機殼，有冷氣機的都知道落雨時候
滴滴達達聲十分擾人
我的情況就更壞，每次有聲出都望窗口搞到神經緊張

而家整完這個
擾人聲音大大降低，點解之前一直想不起有這種方法?

手機+ipod touch組合(二)

上回講到換手機，結果選了 SE的 G705
繼續ipod touch+手機的組合

選這部機都係貪佢有 AGPS
不過我現時用的plan數據用量好低
要轉plan先能應付日後所需

試想下每個月數據用量都超標就麻煩了

入鈴聲就繼續用m600i一直用慣的
不過收sms這個就改了「だんご大家族」

手機+ipod touch組合(一)

今個月中，一直用緊的M600i 終於都出問題，就係無法辦認SIM卡
加上一年前斷 style的經驗，想換手機好耐，但就找不到機會

估不到一部機就咁無聲無息地故障
最初買m600i，只係貪佢有觸控，手寫
用途都係編更表，每月收支等等

自從07年12月中買了 ipod touch之後，以上用途全部都交給touch做
touch除了無手機的基本功能之外，當PDA用係無問題的
無論入料速度，穩定程度都比M600i高
之後M600i用途只限於手機的基本功能

講得太遠，咁點解唔買iphone?主因係我已經有ipod touch
如果再買iphone ，ipod touch如何善後都係問題

都係繼續手機+ipod touch組合吧

22吋 LCD mon+三次元桌面

九月間的辛勞
四日的call out加大量OT

換來22吋 LCD mon
52cm的寬度，只要不超過51cm就放到
22吋已經係界限，要24吋就要好大工程

$2000樓下有 22吋，仲想點?

順便post下自己的桌面
桌面唔算凌亂
因為放部MB上去都無位剩
要同時用兩部機係不可能，只能選其一

通常都係PC做轉片，MAC就上網睇片

上層的幾套《CSI》只有第二至五季
未得閒買第一和第六/七季


雖然新的金屬殼MacBook已見街
但我都未諗住換
這部第一代的MB已經用了兩年
無買Applecare已經係一個賭注
(要換機的，除非部MB完全死亡)
而家2.5吋 320GB HDD好抵買
下一步就係替MB換上 320GB HDD

講番個mon
大mon使用起來需要時間適應

windows 裡的「最大化」好少用
因為一大片空白畫面好剌眼
由用MAC開始改變了用windows習慣

視窗不會「放到最大」
試用一段時間就會明白好處

相信銀行?要我如何相信?

每星期總會聽到迷你債券事件
受害人總會講到銀行推銷手法問題

講到這個，就想起自己在02年7月發生的事情

記得當時加入所謂「儲蓄計劃」(實質係保險)
又係被一兩職員不停車輪戰式的推銷
迷迷糊糊地簽臨時約
幸好只簽臨時約，有冷靜期
翌日就同職員講取消

由這日開始我就對銀行有強烈戒心
尤其係銀行推銷手法，以前消委會都有提過。銀行有段時期都收歛
但隨時間過去又故態復萌，銀行還是用這種手法來兜客


打這篇文章的時候又有銀行推銷打來的，就即興想到金句
「我唔想做雷曼苦主」

下次再打來就要用新的「金句」

借錢廣告

問佢地借錢真係可以解決問題?
錢始終都要還
係咪應該要先節食縮食，還清債項?
我覺得廣告中果位阿叔講得好，無錢真係唔好搞咁多野
去到只夠還息時仲去買靚衫真係無問題嗎?
用佢地幫你還卡數後繼續胡亂揮霍，這個先真正教壞人

講到底，欠卡數的係自己理財出問題之外，賴唔到邊個
借錢只幫到一時，果舊錢始終要還

講到這裡，又提起宣傳電話，銀行/財務公司又打來宣傳借錢
強調「低息」。低息又點，咪又係要還(有借有還嘛)

下次再接到這類電話，一律會講:「借左錢唔駛還就有興趣」
完全玩野，如果話我無卡數就騙人

除了交上網費用外，還有兩個分期未供完
但我就一定係每期都還清卡數

而家防止自己再亂用信用卡，將信用卡留在家中係最好的方法

可能就係咁，買少左好多無謂野，仲有錢剩

又中Macross F的毒/VF-25

上個月知道出了模型，但無貨

在假期前一日，無聊行太源街，賣$329(可接受，gundam系列MG版都差不多價錢)

計起來06年1月砌完MG版Z gundam之後，好耐無買過模型

但到而家都未砌


果然我又中Macross F的毒
買CD，等不到Amazon了

隻OST.2好多voice ，淨音樂反而少
整隻碟最喜愛的就係「真空のダイヤモンドクレバス」


可惜隻碟無op2「ライオン」
咁又「順便」買下op2了



結果這兩日用了接近$700

再來的五日call out

又來了，繼四月尾的，九月又來
我發覺自己運氣唔錯，第一日就來個夜晚八號波，連機都無需要拎
可以在家玩機戰Z
跟著兩晚有div，無需要四處去
今次最多都係一晚兩單，實在太好，最後一晚仲可以坐在「星巴克」嘆coffce

整晚時間，PSP和ipod係必備
PSP就玩《Memories off》系列(集中玩2nd/從今之後，主要係人設關係)
ipod就帶多個headphone(sennheiser PX200)

如果無這兩樣野肯定悶死

有上次的經驗，今次到「夠鐘」前的半小時，出街食早餐
夠鐘就即走，省下最少半小時，可以有足夠的休息

返到家運氣就差，樓下大裝修，嘈到訓唔到....................
直到最後兩日先好少少

返這類時間，最麻煩的就係調整生理時鐘

中大 event

上次CW無去，今次中大安排有點怪
登記處位置同上次不同

影相數量多過上次

之後番旺角，原來第二代ipod touch已經有得買
第二代有內置喇叭，加上 32GB只要 $3100
真係好吸引，但買完這個，舊果部點處置?

《陰陽錯》 數碼修復版(日版)

先附上MTV，《幻影》
我要到98年先知道係《陰陽錯》主題曲

這套片我在98年從CABLE首次收看(我果然係睇乜都遲過人)
同一年搵到VCD ，但DVD版就等到2008年先出現
十年先有DVD ，遲到好過無到

但最近幾個月因為不同的原因，出街的次數大減
對Blu-ray多過DVD，就無留意到隻碟

直到上星期六，例行放工「尋寶」

信和地庫實在太多「寶物」，竟然搵到剛才講的《陰陽錯》(日版)
無中文字幕，不過AUDIO係中文就得，不管三七二十一立即買下

返家前順路落德發買Blu-ray版《蒸發密令》(美版有中文字幕)

但另一個問題又來了，就係無地方擺............

講得太遠，講番套戲，我印像最深刻唔係尾段悲劇收場，一個得不到的愛情

而是陳欣健在電視直播大談雞竇合法化
直到而家我仲記得整段對白，因為實在太好笑

這隻DVD內容應該和港版一樣，有黃百嗚果段訪問
訪問中就解開音樂盒之謎

黃百鳴提到《幻影》Melody的音樂盒，只係一件道具。市面上無可能搵到這個音樂盒
(題外話，如果而家出應該都有人買)
訪問中都有提到當年無「把握商機」出音樂盒賺錢

長時間尋找音樂盒的人，相信聽完這個答案會好失望

又大出血

出糧日子，又大出血

上回講到 HDD外置盒，結果係買番個IDE介面果種盒

原本想買SATA/IDE 雙制式，但超出預算

購物癮又起，見到電腦書全場8折

買下《Mac OS X 10.5 : Missing Manual國際中文版》

上次去電腦城睇過，賣$180

去黃金買$145，買電腦有關的物品，都係去黃金/高登好

順便行信和尋找「寶物」

買了三隻Mr.Bean DVD

返到家就立即換外置HDD盒

幸好HDD裡面的資料無事，連以為上次錄不到的奧運開幕都無事

實在太好

難得的三日假期

這個星期因為儲太多Time off
放星期四一日，誰不知一個颱風，又唔駛返工
星期五的早上七時多，聽收音機，知道已經掛上八號波

又好似今個月5號一樣，出去飲早茶，但今次就無咁容易搵位
因為酒樓員工好像未返齊，連落單都慢下來，結果坐兩小時先走
這個颱風真係行得好慢

24號係CW
經過上次排長龍，今次都唔會去
今年去event的次數減少已成事實

上回講到的外置盒問題，果然如我所料
個盒就算駁PC/Mac都無反應，個HDD仲好像「唔夠力」行一樣

唉，又要買BOX，今次買邊類介面?
現存IDE HDD有五個

如果買一個外置HDD，又會覺得舊HDD「雞肋」

不過我都打算物盡其用

睇奧運直播的一星期(10日至17日)

這個星期都係睇奧運直播，之前太多膠劇使我遠離電視機
不過兩台的直播取向又真係好多野想講

之前講過無記24小時高清頻道，直播高清賽事
但頻道實在太少，有時想睇某個項目都只係得標清收看

亞視就聰明得多，多頻道，連EPG(電子節目表)都會講下直播項目係乜
甚至連一向被批評為浪費資源的「高清頻道」
都有獎牌榜睇，連無記都有樣學樣
亞視今次真係值得一讚

機頂盒駁HDD的問題還未解決，開始想到可能係外置盒的問題
難道無風扇的盒會容易壞?

高清奧運

今年奧運的開幕禮，唔用高清睇實在失色不少
因為實在太正，可惜我無錄下來。連重播都錄不到

原因係o記機頂盒，有時會認不到HDD
偏偏想錄就發生這個問題，我又用USB手指試過又無事喎

HD節目錄一小時最少都6GB以上，要錄完整個開幕禮保守估計最少40-50GB
一條4GB手指根本唔夠容量，算了

無記直播有5.1，又醒起以前PS2時代留下來的光纖
貪過癮想試下5.1。短時間將條光纖找出來，將光纖駁入AV AMP
(其實唔係今次有5.1直播，我想條光纖不見天日都未定)

但有讚就有彈，要彈的就係無記每10分鐘就播廣告，真係好煩
雖然亞記都有，但亞記廣告都少過無記
亞記在運動員進場時，運動員所屬國家/地區基本資料
地理位置、人口，首都，最少給觀眾有個簡單的認識
但無記全部欠奉

今次整個開幕禮最正當然係燃點聖火
空中繞場一圈點火

以前我都唔睇開幕禮, 但今次真係幾正
一家四口都好少一齊睇電視了

奇聞！壯漢下體卡鐵板窿慘情

奇聞！壯漢下體卡鐵板窿慘情


藍 田 公 園 昨 晚 深 夜 發 生 罕 見 夾 下 體 意 外 ， 一 名 男 子 俯 伏 在
有 多 個 圓 窿 的 鐵 板 上 做 運 動 時 ， 陽 具 離 奇 被 夾 在 圓 窿 內 被
困 ， 狼 狽 不 堪 ， 消 防 員 聯 同 醫 護 人 員 趕 抵 救 援 ， 懷 疑 其 下
體 充 血 被 夾 住 ， 為 其 抽 血 仍 無 法 解 困 ， 最 後 要 將 整 塊 鐵 板
拆 下 ， 連 人 帶 板 抬 往 醫 院 施 救 ， 警 方 正 調 查 肇 事 原 因 。

公 園 健 身 出 事 連 人 帶 板 抬 醫 院
事 主 年 四 十 二 歲 ， 昨 晚 十 一 時 四 十 分 ， 三 號 風 球 仍 然 高
懸 ， 他 身 穿 運 動 短 褲 ， 獨 自 前 往 位 於 德 田 對 開 的 藍 田 公 園
做 運 動 。 發 生 意 外 的 鐵 板 斜 放 在 空 地 上 ， 專 供 市 民 作 仰 臥
起 坐 運 動 之 用 。 鐵 板 長 約 六 呎 半 ， 闊 約 兩 呎 半 ， 板 上 有 多
個 直 徑 約 一 吋 的 圓 窿 ， 供 疏 通 空 氣 。

當 時 ， 事 主 並 非 採 仰 臥 姿 勢 ， 而 是 俯 臥 鐵 板 上 做 運 動 ， 但
不 久 發 現 下 體 被 夾 困 在 圓 窿 內 ， 無 法 脫 困 ， 惟 有 用 手 機 報
警 求 助 。 消 防 員 趕 抵 ， 用 盡 方 法 仍 無 法 替 其 解 困 ， 通 知 醫
院 派 出 一 隊 醫 療 隊 到 場 協 助 。

醫 生 為 事 主 檢 查 ， 懷 疑 其 下 體 充 血 被 夾 住 ， 替 他 注 射 止 痛
針 後 ， 再 用 針 筒 抽 血 ， 惟 仍 無 法 脫 困 ， 而 地 上 則 留 下 一 攤
血 漬 ， 期 間 ， 消 防 員 築 起 人 牆 阻 隔 ， 以 免 事 主 尷 尬 。 消 防
員 最 後 耗 時 半 小 時 ， 將 鐵 板 四 支 鐵 腳 鋸 斷 ， 將 他 連 人 帶 板
抬 往 醫 院 施 救 。

記 者 到 場 採 訪 時 ， 事 主 狼 狽 地 說 ： 「 你 唔 好 咁 樣 對 我
啦 。 」 又 向 打 針 的 醫 生 稱 ： 「 如 果 我 暈 ， 千 祈 唔 好 畀 記 者
影 到 我 個 樣 喎 。 」

星期四晚上先知道
我睇完單野笑左好耐，實在太好笑
只有搞笑漫畫先有的情節，竟然在現實發生

還要連人帶板抬回醫院

亞記就真係做多左
響曬朵, 佢以後點見人？

2008年動漫節記事

只去了兩日
Day 2同Day 3

可能成幾個月無拎部D200，技術完全退步
(講起來，幾個月前買的figure都無拎出來影)

連帶post相的數量都逐年減少

今年的環境比上年更惡劣，想唔認老都唔得...............
可能會給自己一個藉口退下來

《美國清一Sick檔案》DVD

我三年無入過戲院
而家的習慣係等DVD或者Blu-Ray

尤其係而家出碟實在太快，一套電影大約等三個月就有碟出
咁點解要入戲院忍受手機鈴聲/爆劇情?


講番套片，我在今年四月係睇地鐵廣告先留意到
最後都係無入場睇。當時香港鬧得熱烘烘的醫療改革，就令我更注意到這套片

在05年尾睇完《美國黐Gun檔案》探討美國槍械文化
槍械文化或者不關香港人事，有人批評米高摩亞立場偏頗
但睇完片之後好值得觀眾去思考。


片中講述美國醫療制度，無買保險完全無保障
就算有買保險，保險公司都會想盡方法令投保人無法得到保障
其中一段真係哭笑不得，學足《星球大戰》開場整個List出來，描述保險公司不受保的疾病名單，由A到Z

同時比較英國、加拿大、法國等先進國家的醫療制度，再用古巴作例子
更突顯美國果套荒唐、殘酷

睇完套片學到好多野
1.令我更加不相信醫療保險
其實我一開始就對保險公司好反感，尤其係02年銀行sell保險手法
05年舊同學硬sell保險幾乎想鬧人

2.香港的醫療改革點解只講開源不講節流?
搞強醫金，如果將市民健康交給保險公司，遲早同美國一樣

3.世界上無免費午餐(法國/英國的全民醫療靠稅項維持)

P.S，我想買這隻碟的時候，搵過好多間鋪頭，連旺角碟種最齊全的德發都只是得一間有
果然這類片係冷門

講開紀錄片，我反而想睇番N年前亞記播過的《今古奇觀》
當年每日返學前都睇幾分鐘

30米巨熊

30米?十幾層樓高喎

Gundam都無咁大隻


其實這類手誤真係難得一見，以前明報都試過好多次

放上網的野
不足10秒就被人cap圖

Starship-Nothing´s Gonna Stop Us Now

iPod Touch 2.0 firmware

終於都來了ipod Touch firmware 2.0

雖然7月11日係iPhone 3G推出的日子，但我反而留意有關Touch的update消息

一月的時候，無法付款做update(給US$19.9)

今次只給US$9.9就得，價錢合理，又包括一月時候果五個app(當時給錢update的會有什麼感想?)

update完 2.0之後就發覺，無論iPhone同iPod Touch有好大的潛能

除了付款，還有大量免費app
期待日後有更多有趣的app

7/14日更新
偶然發現cap圖功能
只需同時按下“主畫面 (Home)”按鈕和“睡眠/喚醒”按鈕。

睇來係update 2.0後先有

除了畫面之外，連cover flow/影片都可以cap實在太方便
但2.0都有缺點，就係有時hang機，reboot時間長過以前好多

順便講番這幾日的事情
D700與SB-900之間
D700肯定唔夠錢買，但SB-900可以考慮
(估計$3200左右)
當多一支燈玩下都唔錯，反正SB-800一年前都壞過一次
都怕唔知幾時會再壞

7月1日果晚，貪過癮去網上登記 「3」的iPhone 3G
諗住自己無任何抽獎運，到8號當日預計到1500名額都抽不到我的

直到13號晚上
收到「3」打來，話部機可以隨時取
價錢係我選果個............

原本諗住石沉大海
我又唔想又供多樣野(最要命係佢地話做分期要$200手續費)

最後都係唔要部機了
可以因為能將部Touch update 成2.0

連帶對iPhone 3G的興趣減退，未到話唔買，只係時機未到

又講數碼廣播

不經不覺已經到6月中，大廈天線還未有消息
不過而家都叫做收到的，開始無咁著緊天線問題

我記得以前講過如果金山發射站開埋，咁信號應該會更穩定

因為我設置天線的地方在慈雲山反方向
睇過地圖，金山果邊比較少高樓大廈檔著(最要命都係屏風樓)
ch 22不穩定，我一直想試下ch 40

如我所料，ch40有料到，收「老四台」超過75%
比ch22更好，咁我重新set過所有台，全力收金山

終於無需幾個月前這樣，經常擺好位置
又怕信號中斷錯過錄節目...................

Glenn Medeiros / Lonely won't leave me alone (1987)

估不到，而家先睇到原版MTV

又懶了..............

又無更新成幾個星期


難得13號黑色星期五放平日
就出街買野
等到《集結號》出Blu-ray Disc
$165 實在抵買
又見今期《NewType》有涼宮做封面
順便買下

差點連PS3買回來，但經過考慮都係遲D先買
屋企無地方擺都係一個問題

如果要入房玩PS3 就要換mon

我的想法係買個有HDMI位lcd mon就得
不過如果成事，咁舊mon又點處置?

沉迷Rainbow six Vegas 2

Rainbow six 系列好少玩，原因係過往玩FPS Game

不足十分鐘就頭暈，最近因為無聊就買來玩

但部機display card只是nvidia 8500GT ，玩FPS有點吃力

以前因為怕頭暈而抗拒玩這類game

但現在日系game越來越固步自封，連我二十幾年game的
好自然嘗試下其他種類，尤其係這幾年歐美系的game越來越強

連帶我對XBOX 360的印象都改變過來

操控還是花點時間熟習，最初以為用XBOX 360手掣會習慣
但用手掣玩我反而不習慣，睇來我已熟習用keyboard+mouse組合了

為了這隻game，連display card都換上 nv 9600GT
砌機咁耐，都係第一次買超過千蚊的display card

有時間寫Blog+頭痛貼使用後感

二月尾時任扭傷右腳，在附近藥房買「鎮痛貼」

其實係果包野有頭痛貼先買
鎮痛貼早就用完，頭痛貼一直留著，隨身攜帶

這一日，頭痛貼終於能大派用場

這種貼幾好用，只需要外敷就能減輕頭痛
講到底都係作息不定時之過

足足兩星期都無寫Blog了

自行接收的數碼廣播進度

上星期日(11日)終於去到要買魚骨天線
因為星期六晚連《天與地》《彩雲國物語》都錄不到
第一次裝F接頭(有線電視果種)
原來這種F接頭先係最穩固的，難怪日版電視機會用它

想盡辦法如何在冷氣機架上接上天線，整了三小時
終於都搞掂(無加放大器)

22、35、37都收到
尤其係22，有75%訊號
35、37就50-60之間

總之低過50%就有機會爆格，跟著無畫面

大廈天線一日未調整就繼續「自行接收」

4/26 至 5/1 日夜顛倒

短短五日，感覺上好像發了場夢一樣

每晚最少一次call out，不過算了
只要知道要做什麼就得

這段期間都識得「苦中作樂」一番
無法拒絕，唯有做得好好睇睇

返個這種更，終於明白點解有人千方百計都要返
如果家住果區當然好，可惜我唔係呢


點都好，這幾日最開心係能睇見日出
早上五點買到報紙睇
收工後去《大家樂》食早餐

今次真係一個好的體驗

Emergency call out前的三日假期

出糧前的假期，除了家裡蹲
實在無乜可以做

不過只係自己不肯去想，總會有消磨時間的方法
例如睇完 CSI 第五季，無睇成半年

只差五集未睇，第六季又未買DVD
第七季未出，「得利」搞什麼?

雖然話返 call out ，但工具幾乎全部自備
尤其係最重要的LED電筒要自己買(當然無咁偉大留給公司)

這段期間想了好多，不過想幾多次都無用
只知道其他人都做到，我怎會做不到

這個「特更」，好快就到了

500GB HDD

終於都等到500GB 跌到 $800樓下

部PC的HDD又唔夠用
今次加個500GB，最少解決這個問題

今次順便換下原裝散熱風扇，原裝果把太容易吸塵了
但換風扇就要拆底板出來先換到

整個過程大約用了個半小時
在途中，又順便睇下用STB盒錄下來的《頭文字D》，容量實在太大
16.9 GB
剩下來的80GB真係唔夠用，最少要 250或320GB先夠
但無理由為錄高清節目就走去買3.5吋HDD

其實今日原本打算買魚骨天線

但現在單靠室內天線放出窗口就收到(有時候無畫面)

最後衡量過都無買到，或者等到條天線完全死亡先換都未遲

講開這條天線，連落大雨都無事，睇來都可以捱到半年

天線db不足

難怪機頂盒轉台/搜台都慢

原來單靠線駁線的db 會lost得咁嚴重
今日走去買個駁頭，立即「精神」

雖然都有間中收不到，但已經比之前改善
最少轉台速度都比之前快

但最好的辦法都係要自行裝魚骨天線
等立案法團整都唔知等到幾時

反正同一棟大廈都有住戶自行接收

其實我有懷疑過現在住緊的大廈是否根本無公共天線

SS版同級生2 ED曲 《春を待つ季節》

在youtube找到的






真係懷念，SS版同級生2 ED
從未出過CD

當年(97年)原本無打算買《同級生2》SS版
但一個漫長的暑假加上各種原因而買下來，我記得用接近$500買回來
(08年時候我見過有二手鋪賣緊$200)

最初玩的時候無攻略就經常bad ending
後來買本Game weekly追攻略先睇到 ED

第一次聽這首歌就上癮
曾經去過信和等地方無功而還
後來為了能聽這首歌，用最原始的方法來錄
利用tv out駁入 HI-FI
用MD或者cassette帶錄下來

直到現在，我都對這隻歌有深刻的印象
深刻的原因係到2008年
就算用google大神都係找不到有關這隻歌的CD/mp3/歌詞.......等

辦法唔係無，有個SS EMU有錄wave的功能
之後怎樣做?

Sega saturn EMU

上一篇文講到懷念心跳
如今又有機會懷念

今日利用空閒時間，找回長埋床底的SS/PS Game(部份)
要全部拎出來有點困難
PS game要玩就用PS2
但要玩SS game除了買部機之外，唯有用EMU

最初這類EMU給我的感覺是效能極差
估不到現在EMU進步神速
家中的SS機早就壞光頭，04年已棄掉
但有數十隻原裝Game仍然保留著

而家因為有SS EMU
一堆近乎被遺忘的SS光碟
終於可以重見天日了

反觀現在買Game次數比以前大幅減少
除了「電腦」這個因素
仲有就係遊玩時間越來越少

講到底，玩舊Game都只係想過下癮

四日假期的記事

四日假期都有兩日要返工
幸好早就編好返頭兩日，等自己容易適應

頭兩日除了做「例行公事」，仲有睇維基百科
維基百科真係好容易睇上癮的

星期六落大雨
之前擔心的室內天線問題
幸好條天線係無放大器
誡算落大雨都不怕，睇來買魚骨天線可以再押後了


星期日原定的BBQ取消，原本想行SSP+MK
最後只行行信和「尋寶」

yucie BOX set連一隻碟賣 $48
跟著隻阿波羅13號 賣 $18，仲要有中文字幕的

在「尋寶」途中還搵到 DaDaDa的日版DVD
(包括四年前網上買的)
每隻平均$28-$38

抵到爛，睇完當飛碟咁飛都抵

途中仲發現《我的腐女友 Part 2》
這本書要睇完它大約只需要三小時

晚飯原本自己食，最後又變成去奧海城食
都好耐無食過了，盡興而歸

星期一，假期的最後一日
要休息了，執拾房間，在整理CD的時候
手痕地將1998-2000年間買的CD轉成 AAC，包括廣播劇

一堆心跳的廣播劇，勾起好多往事
還貪過癮搵部手提CD機去聽CD，
果陣在想:「我幾耐無聽過CD?」

當年如何瘋狂地迷上心跳

直到2000年開始對心跳系列的熱情逐漸減退

果段時間(1996-2002)，係我回憶的一部份
永遠都忘不了

好了，沉醉回憶都係適可而止
明日又要「做好呢份工」

亞視的《AV事務所》

個概念係幾好的

但給亞視搞就係「化神奇為腐朽」

整套片拍得好無誠意
主持又低能，給觀眾的感覺就係悶

係咪都ATV前ATV後，個監製係咪要討好老細先做架?

難道亞視真係改壞名?
因為亞亞聲，一世做阿二?

亞視都不妨諗下
改做「冠洲電視」改下運都好

而家亞視給我的感覺係，就算有數碼地面廣播
亞視都無法好好地運用它，正式係「捉到鹿都唔識脫角」

整個星期無更新

睇來要keep住一星期最少有篇文章先得
不過無野寫要夾硬寫的都無用

先講果個o記機頂盒
買左個box都快一個月，無病無痛算係咁
我不理其他人點笑我做白老鼠，我就早看早享受

其實這個盒話無缺點係假，除了熱就係開機慢，每次轉台畫面等4秒鐘先有野睇

天線接收就要等買魚骨天線才再作評論

因為而家仲係用室內天線放上冷氣機頂來收訊號，有時會跳格/無畫面睇


講完box，到2008年花卉展覽
去年就拎部細機去，結果狀態不佳，影得好差

今次就用番部D200 ，天氣又涼，又有陽光照射
有點不習慣

不過總好過留在家中，難得天氣咁好
出來晒太陽轉換氣氛

復活節的假期
如我所料，只有兩日

換火牛

估不到上次同人砌機有手尾要執
估計都係火牛問題吧

今次買了個460W的火牛，再加番兩把風扇幫助散熱
應該都無問題吧

餘下的「資金」就係將剩餘的配件，再重新砌番部機給人用
如果係以前，我一定會盡快處理好

而家暫時失去往日的衝勁

港島半日遊(一)

可惜今次的「半日遊」係公事優先，私人時間我想都唔會去完整個港島區
不過得半日又行不完，今日只去東邊幾個「地方」

夜間 standby特更，現在都未知道「排位」

簡單講係有五日係由晚上10:00返到早上8:00
有電話去某D地方就要在指定時間到

講番行程，有幾間都有認識的人
總算放下心頭大石

排位表快快出吧

重玩PS版 彩之愛歌

不經不覺，這隻game 推出差不多十年

當年只買SS版，PS版記得係 SCEH做緊$68果陣「順便」買下
經過斷斷續續的重玩，終於都爆機了

個人覺得《彩之愛歌》正篇故事就比虹色差少少
有故事配角但好多時感覺到存在感太弱

睇完niconico上的非實況遊玩，原來好多意見認為應該有個鈴音的Ending

《虹色》無放課後篇，要硬食正篇故事先能集齊CG(設計上玩一次好難能集齊CG，即係玩多幾次)

《彩之愛歌》就新增放課後篇，集中配角在文化祭期間的故事(方便儲CG?)

還有值得一堤的是《彩之愛歌》好多mini game玩

mini game個內容好配合「文化祭」大主題

同時改進了睇CG的介面，做到好像睇相簿一樣，這個值得一讚

不過K記都係要替自己賣「廣告」的

睇電影睇《Metal Gear solid》(同是KCEJ)

但玩舊遊戲就真係玩完一次就算，因為第一次玩的時候果陣震撼仍在

具體少少的就好像玩《逆轉裁判》一樣，玩完一次之後基本上唔會果玩第二次一樣

拗柴

午飯時間，不小心叉錯腳
結果右腳拗柴，對上一次拗柴係04年11月18日下午時間

幸好受傷期間就在藥房附近
立即買「鎮痛貼 」，應該話果個時候想唔買都唔得
隻腳真係好痛，有鎮痛貼最少能減低痛楚

原本打算出糧後去旺角，又要延遲

上次受傷只係兩日就無事

但今次就不樂觀

星期日，心血來潮買機頂盒

今日利用餘下的獎金買下機頂盒
之前估計居住地區肯定收到信號
只係大廈天線未調整，要靠室內天線接收

紙上談兵無用，始終要有一台實物做測試

難得的是，百老匯係容許退款的(當然買之前問清楚)
如果用盡方法都收不到訊號就可以退款

有這個「退款保障」，我先夠膽去博一鋪


如我所料，駁大廈天線只收到四個標清台
用室內天線就要將天線直接放出室外先收到全部頻道

但室內天線條線實在太短，幸好時間尚早
臨食飯前買一條 30呎長的延長天線

經過一小時的setting ，終於都一嘗所願
睇到高清頻道了


不過難題又來了

第一：將室內天線當室外用，如果落雨點算?睇來要搵日OFF去鴨寮街搵小型室外天線

第二：因為天線對唔到慈雲山，唯有收其他大廈的反射波。如果其餘主要發射站都啟用，相信接收會有改善

第三：家人對睇數碼頻道要教識開啟次序


暫時就係咁
真期待今個星期六的《華麗一族》

三星期的寒冷天氣警告

到星期一，終於都無咁凍

凍足三星期，完全係誇年

冠A事件，「閃卡」無乜特別
但背後的故事同大量改圖/惡搞

才是精彩之處

Mac OS X 10.5.2

這個update係12號(香港時間)發出
其實由 10.4.6開始到10.4.11
我都會 cap張圖出來

不經不覺
裝左 10.5差不多一個月
仲未用過Time Machine
而家見 2.5吋 SATA 250 GB都係賣$1280

我都有想過用一個80 GB 做 Back up
但之前MacBook換上 160 GB

只有80GB的後備實在不夠用
睇來要用果個200 GB頂住先

年初四的砌機記事

因為年初三晚狂煲《華麗一族》
由凌晨三時睇到早上十時

全程用ipod touch睇，有大mon唔睇睇細 mon
真係世界變了

結果砌機時間又延遲四小時

今次用$3000去升級 08年的配備

不過之前加HDD出問題
就係將另一個HDD set 左做「dynamic」

搞到裝新OS時候認唔到

最後要用「修復軟件」挖番D料出來


總好過裝OS途中發現hardware 出問題

農曆年砌機的煩惱

今次將親友的電腦
由05年的配備，更新為08年的配備

計算過只換CPU、底板、RAM
有必要的話順便換火牛，或者加display卡

但各大腦場的鋪頭要等到年初四先開了大半
初一到初三去腦場只係浪費時間

但年初四偏偏就係 CW
不過繼上次CW排超長龍之後，已經不想去CW

去年就因為有事去不到，今年就自己不想去(主要係撞期)


順便簡述農曆年假期的事情
年三十
今年自己一個人過，都無所謂了
開心的是，終於都買到Q版長門
有時間一定影下相先

我又係睇什麼都遲過人的
而家先睇《華麗一族 》，不過遲就總好過不看
要將片轉落ipod touch係需要點時間(我不喜歡傳媒用iTouch來形容ipod touch)

但蘋果這個時候就出32GB 的ipod touch，$4000
算了吧，買apple的產品就係這樣

年初一
放工去食晚飯，難得一年只見一兩次
當然盡興而歸

年初二，又係放工回家
今次不入元朗都係好事，令我就有時間去處理其他事情

這幾日報紙頭版繼續「奇拿事件」
難道真係要煲足兩星期先夠?

奇拿事件第二部

真是沒完沒了

當香港警方做完場「大龍鳳」
奇拿翌日 post 相
同《死亡筆記》一樣

這張圖真的十分應景

到底警方前日高調地說「已經找到源頭」
是什麼源頭?

睇來都只係「洩漏源頭」




難道過年前都要睇住「奇拿事件」日日上頭版?

香港奇拿?現實版《死亡筆記》?

這個星期，熱門的話題
淫照事件

放相者有如《死亡筆記》般預告
甚至將放相者尊稱「奇拿」

一幕《死亡筆記》現實版
搞到我都要重溫漫畫版，一睹精采萬分的智能戰、心理戰

講番事件
人的本性就好奇
口說不下載不應該睇，都只係偽善

因為人有正面和背面，還有更加背後的一面
人有時真係比野獸更恐怖

實在不能不驚嘆網絡的強大

我都係鍾意坐山觀虎鬥

即係網絡用語「食住花生等睇戲」

MacBook電池，還有.................

一粒$950的MacBook專用電池
今次真係要小心地運用它

當買一個教訓

可能過農曆年前的氣氛影響
又身痕買了Apple Keyboard
原本打算給部MB用，途中發覺原來PC都用到
除了某些Fn key用不到之外，一般常用的 三神器「Alt+Ctrl+Del」都無問題

這個keyboard打起來同Macbook無分別
可能是心理作用，總覺得打字「好像」快左

今次順便將Mouse都轉用USB，完全棄用 PS/2
而家連入BIOS都可以用USB，實在找不到理由為什麼再用PS/2

19日到26日的事情

整個星期無post 文章，草稿又未完成狀態
簡單講下幾日來的事情

19號果日終於買左 Leopard 裝落部MacBook度
試了一會兒，除了兩個app不兼容之外，其餘都無問題

暫時未用「Time Machine」做Back up
睇來計劃買多兩個HDD(PC，MAC各一)

Front Row 進步左好多，反應又快

睇「系統資訊」發覺要盡快買電池，因為粒電得番 30%
都係我自己使用方法錯誤，使電池縮短壽命

20日

理大 event Day 2
無法重拾狀態，到4點多先回復水平
天氣忽冷忽熱，真係好容易冷病

21日
拎一日的OFF
之後發覺係正確，無法理解某人的行為
真係好怕佢突然發瘋
修行未夠，無法像前輩般冷靜下來
距離果次炒大獲差不多一年，我都想時間可以沖淡它
不過如果咁做就無法保護自己

25日
加薪，金額足夠買包冬菇
獎金比舊年多，不過無舊公司多

26日
去了SSP同旺角
500GB 跌到$900樓下
PC裡面的 320GB 已經塞滿，連back up用的HDD都爆
HDD真係好奇怪，無論有多少容量
人們都會想盡辦法去塞滿它

Macworld Keynote

一年一度的盛事，可能去年有iphone
今年就覺得無乜驚喜

就算係MacBook Air都提不起興趣

不過iPod touch 的update就好有用，fix一部份Bug
包括「最常播放歌曲」List的問題都解決

果五個app，新買的用戶就有，但現有用家就要加 us $20
抵不抵用就見人見智

但問題係，我連iTune store 戶口都無，想加app都唔得

上次講到話要幫MacBook裝 10.5，我想都係時候了

《零之使魔》

一星期內買五本《零之使魔》
用了三日時間睇完五本小說

我承認係睇完動畫先接觸原著輕小說

睇完就發覺動畫版故事去得太快，好難消化
相反睇小說可以感受到故事世界觀

今個月都買左好多本輕小說
除了《零之使魔》

《彩雲國物語》共買了六本
但閱讀進度非常慢
而家先開始睇第三本《紫殿花開》

唔知幾時先睇完餘下的

BD版《THE ROCK》無買到

等到這日先知道美版《THE ROCK》沒有中文字幕

可能要上amazon jp買隻日版?(日版有中文字幕)
又或者等行貨碟推出

我都計過上去果度買肯定平過落德發買
最少買三隻先抵，只買一隻就一定貴過在本地買

過年後先諗這個

Celine Dion演唱會出Blu-ray
等左好耐，我都係聽聞話會出BD版，先忍手唔買DVD

不過2月5日嘛，係年廿九
希望過年前買到吧

書櫃

今次講現實的書櫃

經過幾個月的買書，又來一次執書櫃行動

最後花了一小時搞掂
同時重溫一些舊書

其中一本《AV窮鬼》
2004年1月出版，睇番當時的內容，再和現在對比
04年果陣仲流行Plasma ，規格當然無而家咁樣
隨便一部都有HDMI，有時睇番過去的事物十分有趣

其中一part講數碼廣播，又想到08年的數碼廣播
真係可以在奧運前有75%覆蓋率?

我有點疑問