07年的除夕

這個時候
各大電視台的大事回顧系列

我一個都未睇過
最近行旺角影音鋪的次數大增
可能同數碼地面廣播終於啟播有關

31日的晚上，放工行旺角
果然同我想像中一樣，好奇心作崇
好想睇下高清台係如何?

雖然住九龍半島
但大廈公共天線情況未知，問看更係浪費時間
我相信連業主立案法團都唔知

回望07年?
我要睇番舊文才能勾起07年的種種回憶

講遺憾係今年無去尖東影燈飾

「買二送一」的優惠

上回講到找不到《黑鷹十五小時》的Blu-ray碟

估不到，sony這個時候來個「買二送一」的優惠
當然這類優惠通常係限制多多

簡單講係只限有貼紙，有貼紙一定係舊碟
舊碟係得幾隻較多人選，《功夫》《黑鷹》這兩隻係大熱門
當然成為「優惠」的熱門之選
優惠中的買二送一，送果隻碟就一定係$175
即是買兩隻$230，都只係送隻$175

到底我選邊兩隻?
就係《幽靈車神》《命運自選台》，加一隻《黑鷹》
就能滿足到所有的「願望」

碟買完，又如何?
都係搵個長假期睇碟

AGS Day 4? 無去到 +意外收獲

無去 Day 4無損失
因為我已經搵到想要的物品


《回到未來三部曲》日版
唔知點解，最近信和有好多這類超平日版 DVD

OG外傳就預左要買

《CASINO ROYALE》Blu-Ray版
無諗過在紅日番貨

而家只差隻《黑鷹十五小時》就齊全了

真正的高清和DVD upscale完全係兩回事

返工的平安夜

又一個返工的平安夜

真係好悶，連平時做的工作都因為人手不足而停工
睇來要搵一日「補飛」

真想不到 《OG外傳》 在24號就有得賣
得閒就去買(我都好耐無開部PS2 到而家部機都無壞，部PS2係 01年12月24日買)

25號難得的假期
又係 AGS last Day

經過昨日一事
睇來我心裡已經有答案

23號「繁忙」的上午+AGS Day 2

上回講到買Blu-ray player

如計劃一樣
在下午一點之前要做完以下動作
買碟->買機->接駁->完成

但買碟我真係唔知道選邊隻
新片?還是舊片
最後就選《DIE HARD 4.0》
最重要行貨碟有中文字幕

點解間碟鋪咁樣架?隻碟無貨就唔好擺個空盒出來啦
你地D電腦用來做乜?連check存貨都無?
碟又貴過德發地庫咁多，下次淨係去德發地庫算了

買完部機先回家，睇論壇話睇《DIE HARD 4.0》要先update
oh!!shit，個廳無lan線，我又唔想燒隻碟做update
唯有拎部機入我房做firmware update
點解部機update時間咁長架?
足足二十分鐘

之後的替換程序就簡單得多
唔想買多條HDMI線，只有將部s1700換走
因為部AMP無HDMI ，HDMI直入LCD TV

之前都知道Blu-ray機loading時間一定耐過DVD
老實講可以接受，只要想到真正高清的畫面就無問題了

試完機就覺得一隻碟好似不足夠，最少要買多兩隻先似樣
望望時鐘，已經係下午一時，我竟然忘記吃午飯

唯有去event前吃
行程途中總係心不在焉，注意力大部份轉移去部機度
係去到會展先記得自己係去event

都係果句，注意力被轉移
只係想到event之後去188一趟，睇到有無我要搵的碟

直到下午七點，去188
都係找不到，不過都買左隻《蜘蛛俠3》

經過今日之後
考慮緊 Day 4去不去

真係好頹

AGS Day 1

今年又係放工後去，先在會場外

之後上五樓的售票處附近

影左三小時，今次將人群集中在 五樓
空間真係好大，可以講係考驗緊自己的能力

這個AGS搞左幾年，都係咁樣
不過總會有人去，這個係不變的定律

影到七點半
順便行旺角
終於見到部 BDP1400的實物

先去豐澤睇，售貨員話得番一部
再去國美見到四部機，就決定翌日打算買機

但Day2 又要影相 時間不足
唯有翌日上午買機----->試機--->完成

計劃定下，但碟都係要買
我想買隻《Casino Royale》缺貨
連 《黑鷹十五小時》都缺貨

難道等到買機先決定買什麼碟?

仲未影燈飾

每年年尾例行公事

影燈飾，因為天氣問題，完全提不起勁去影
每日睇到維港灰濛濛一片，就更加不想影

或者只去海港城門口影番少少就算

今日終於有機會試到所謂「免費」Wi-Fi
原來只係睇政府網頁免費

PCCW果個我就未試過
部touch裡面個 Safari真係厲害
同平時用Mac果個一樣，連Bookmark都可以sync

這個先係我想要的

最近工作繁多，每次工作疲累之時
就想到CSI其中一集

放鬆自己，第二日又重新開始工作
諗咁多都無用，做自己要做的事就得

買了 ipod touch

終於都買下來了

16GB ipod touch
已經係第五部ipod了

重要係07年度買第二部
蘋果魔力果然厲害
psp都可以放在一邊了(其實我一直無買過PSP，要玩就問弟弟借)
買左咁多次ipod，都留意到的「ipod經濟」

有關ipod配件各式各樣都有，單係保護貼或膠套近乎係必須品

今次買touch最大的誘因係臨近聖誕，仲有係有得睇片

不過睇片這個真係整左好耐，最後先搵到一兩個軟件係可以用盡整個touch畫面
唔用H.264的片總係差少少(之前用PSP睇片用AVC都好靚，完全用盡PSP螢幕)

但轉H.264比轉一般mp4的時間長好多
除非片種問題，H.264都係不二之選

轉Blog的原因

由05年6月開始用 MSN space開始
06年3月轉用天空

到而家07年轉用 Blogger

現時對Blogger幾滿意，最重要那個「自動儲存」
就算斷線/Hang機都無需要由頭寫過

在天空時期已經試過N次，打完大篇文章就hang住
大篇文章咁就玩完，又要從頭來過


不過，html語法這個我都係邊做邊學

星期六的回顧

今個星期六雖然係OFF，但都無去影燈飾

晚上去等人家的LCD TV送來，尤其係接駁線的問題
我連說明書都未睇過就已經識如何「較頻道」

當然駁線這個好容易，點算下要買番條HDMI同Wii用的色差線
尤其係 Wii 駁 LCD，用色差再加上Progressive scan效果好過三色線N倍

結果係用兩小時出旺角買線+吃晚飯
今次吃晚飯又中「地雷」
唔好食都算，又貴又唔好食先死嘛


果部P記 DVD/HDD錄影機有HDMI
仲有另一發現係部機有upscale功能，可以將480i upscale 至720p/1080i
睇DVD都有效的，可惜當時無畫質好的DVD(下次帶碟上去試下都好)

不過這部機睇DVD原來都好煩
(諗起二月的事情)

就係NTSC/PAL制式問題
睇DVD要轉N線，錄電視就轉PAL
如果無轉制式，可能會不能錄影或不能播DVD

我家果部飛利浦 3375都無咁煩，部3375不論N/PAL都無問題
就算我set PAL線睇碟/N線錄節目都無問題
部機唯一缺點就係無內置HDD(06年1月最平一部有HDD錄影機最少$4000)
$2000樓下仲想點樣?

下次有機會買DVD錄影機一定唔選P記
繼續用飛利浦算了

擾人的自動播放

睇各式各樣的Blog，有時候會遇到Blog內的自動播放音樂
真是十分擾人，最煩的係睇一頁就放一次

有開關還好，可惜我經常遇到無法關閉音樂
最後只好把自己的喇叭關掉

如果自己部機播緊歌，再加上「音樂」
就變成「噪音」

我不反對網頁有多媒體，但可否預設係 OFF?
想聽的自然會聽

我用google打關鍵字「我不喜歡自動播放」
原來有好多人同我一樣想法

「受不了自動播放」

12小時的睡眠

真的變了，昨日行信和竟然無什麼想買(不是缺水)

以前買開的漫畫都無買，可能係屋企快無地方擺
又或者係受最近工作影響，情緒變差

結果返到家，來個12小時的睡眠

影聖誕燈飾都無以前咁著緊，雖然一年一度影一次
2號果日因為身體不適而去不到

如果係以前的我，一定排期到今個星期六/日去影
但今日8號的OFF，我又無乜心機去影

或者到10-16號期間，心情會慢慢回復過來吧

病

上星期日的身體不適係警號
我因為無視這個警號，換來感冒

星期二的早上，再來嘔吐，我最怕這個
等診所開口的一小時就好像三小時

經過一日的休息，病情好轉了

休息期間，令我想起幾乎忘記的往事

難道要等動彈不能之時才能想起重要的事?

Chris Cornell《You Know My Name》

Chris Cornell《You Know My Name》

007電影系列係這隻歌令我有深刻的印像
我係幾鐘意這首歌




歌詞

If you take a life, do you know what you'll give
Odds are, you won't like what it is
When the storm arrives, would you be seen with me
By the merciless eyes I've deceived

I've seen angels fall from blinding heights
But you yourself are nothing so divine
Just next in line

Arm yourself because no-one else here will save you
The odds will betray you
And I will replace you
You can't deny the prize; it may never fulfill you
It longs to kill you
Are you willing to die

The coldest blood runs through my veins
You know my name

If you come inside, things will not be the same
When you return to my night
If you think you've won
You never saw me change
The game that we have been playing

I've seen diamonds cut through harder men
Than you yourself
but if you must pretend
You may meet your end

Arm yourself because no-one else here will save you
The odds will betray you
And I will replace you
You can't deny the prize; it may never fulfill you
It longs to kill you
Are you willing to die

The coldest blood runs through my veins

Try to hide your hand
Forget how to feel
(Forget how to feel)
Life is gone with just a spin of the wheel
(A spin of the wheel)

Arm yourself because no-one else here will save you
The odds will betray you
And I will replace you
You can't deny the prize; it may never fulfill you
It longs to kill you
Are you willing to die

The coldest blood runs through my veins
You know my name
(You know my name)
You know my name
(You know my name)
you know my name!
You know my name!
You know my name!

windows 98藍畫面

windows 98藍畫面

01年開始用windows 2000之後
都好少見到「藍畫面」

可能太耐無見，忽然間好懷念它
XD

影燈飾?有點厭倦

原本今日打算去尖東影燈飾
但因為身體不適，改為今個月16號先去

在這段期間，可以放工後抽點時間用LX-2影下商場佈置
(平時在商場影相必定被保安干涉，唯獨節日期間就格外開恩)

由2000年開始到而家，發覺維港灰濛濛的日子越來越多
看見灰濛濛的維港就越無心機去影它

自從05年三腳架損壞以來，一直無買新的
只係一隻腳鎖不到，唯有升高「中軸」
調較適合的高度，做到我的要求就得

今年都不會例外

咁無影燈飾，做什麼?
除了睡眠之外，就係將DVD錄影機的「色差」
駁落部LCD TV，部TV/錄影機有色差又對應Progressive scan
點解一直不用它，都係一個字「懶」
果然Progressive scan 先似番部DVD機

終於無需開Amp來睇DVD碟

M600i 觸控筆(續集)

今日返工前去先達買觸控筆
有平有貴，我就求其買兩枝平的算數

誰不知買完筆見還有時間行旺角
結果買左兩隻DVD


《唐伯虎點秋香》同《秋天的童話》

總共$130




秋天的童話在一直想買，到07年12月先買下它

這張字條擺明係對《秋天的童話》無聊投訴的還擊
真係不能想像「衛道之士」的腦部是什麼構造

先講《唐伯虎》
這套古裝喜劇經典

厲害之處係每年農曆新年
不論收費/免費電視台都會播
我由租LD時代睇到而家買DVD時代
睇左N次都覺得好好笑


今次只用部MacBook睇，下次試下用s1700睇
睇下升頻到1080i後會如何?


除了買DVD，有留意到機頂盒同埋Blu-ray Player

Blu-ray Player行貨機選擇好少，最近睇雜誌推介BD-P1400


我都係要等用家評價再作決定

有關機頂盒的問題，大廈天線未改好，但又想睇數碼廣播
只有加外置天線
這類天線應該唔貴，但現在不容許有咁多「額外支出」

最怕係買完個box無用，我就最怕這個

M600i 觸控筆斷了

真係無想過會斷筆
今日用手機入資料的時候就斷了.............

即時醒起買機之時
早就留意到M600隨機只有一支筆

點解M600i無後備筆送?
NDSL都有一支後備

手機反而無?

今日體驗到無觸控筆的M600i，真係好難用
有點羨慕iphone只用手指的動作............

希望觸控筆仲有得賣，價錢唔貴的話都要買
如果超過預定價錢又點?

這點我無諗過
難道要換機?只係斷筆就換機
除非財政充裕，又或者過時過節先考慮

D300 ?D200就夠用

睇到論壇的D300開箱文
不知不覺間「感染」到

如果我仲用緊D70的，就會換D300

但現時我的D200真係好夠用，連我自己都不保證能完全發揮它
D200食電這個問題，有兩粒電池再加eneloop電池補足

過往幾次event已經証明可行


10.5升級計劃一再延遲

睇到咁多bug的報告，使升級計劃一再延遲
難道要等到買部新mac機先用到10.5?

我不能接受

秋天的童話，經典對白

Vincent：「Woody Allen講過，愛情要好似條鯊魚咁不停向前游架。」


船頭尺：「阿倫邊有咁講過?！阿倫凈係話『這陷阱！這陷阱！偏我遇上』之嘛！
Bull shit！」

講起來，我仲未《秋天的童話》DVD

Mac OS X 10.4.11

終於有得D/L

睇來買/裝 10.5又延遲

今次新增Safari 3，之前仲擔心「字型問題」
但裝左之後就無以上的問題出現
連windows版Safari beta版都修正左好多問題，最少都叫做「用到」 但我用winodws 係習慣用 FireFox

用Mac先會用Safari windows裝Safari係貪玩

Mac的優越感? 可惜我係無這個感覺，我這類兩棲類用家就覺得「各有各好」

只係使用windows的習慣因為接觸Mac之後就有點改變

例如我在windows內不會用firefox用「放到最大」

尤其係用大mon的，一大片白色好剌眼

可惜快速鍵這個就真係在windows用唔到番了

換MacBook HDD的日子到了

終於都要換HDD
換左2.5吋 160GB
$670+75

共用了$745
果然買電腦配件都係要去黃金
如果貪方便放工去灣仔的
這個價錢連買HDD都唔得
第一步總算搞掂

接下來的第二、第三步
買10.5和MB電池

電池似乎比較重要
如果買了新電池，一定要小心地「使用」它


P.s有關換MacBook HDD
可以睇iFixit，圖文並茂絕不困難
如果真係怕，就最好另找高人了

CT2 ，短命的「手機」

放工回家執房
偶然搵番部 CT2出來

20歲以下的應該未見過


拎部 2006年的M600i作對比




就發覺科技進步得太快
除了體積，連帶功能都幾級跳

當年除了和記天地線，仲有其士步步通
相中這部就係訊聯電訊的經緯站CT2

初期CT2係幾流行，當年手機價錢仲係過萬的時候
CT2就用「平」再配合call機


搵到接收站先可以打出
只可打出, 不可打入,用AAA電池
要在接收站附近企定講,坐車講會斷線


當年和記天地線廣告鋪天蓋地，最經典的當然係黎明的「天地情緣」系列廣告



睇完一系列的廣告，再睇番這部CT2，深深感受到「食之無味，棄之可惜」

Precious Memories - 栗林みな実

這首歌由04年4月聽到而家，幾乎每日都要聽一次





作詞　栗林みな実
作曲　栗林みな実
編曲　飯塚昌明
歌　　栗林みな実

熱い陽射し　眩しくて
思い出すのあの夏を
痛みなんて知らずにいたの
笑顔いつも嬉しくて

夢も憧れも求め続けてた
私を呼ぶ声が　遠く聴こえる
ずっと、ずっと見つめてた
　真っ直ぐな想いは
　果てしない空へと駆け抜ける
　あふれる涙をそっと
　この手に抱きしめる
　いつかまた　会えるかな
　あの丘で…

青い風に誘われて
雲がかたち　変えていく
過ぎた時間（とき）を教えてくれた
写真　今はセピア色

二人で交わした小さな約束
心の片隅で　静かに眠る

　ずっと、ずっと忘れない
　大切な想いを
　終わらない明日へ描いていく
　あなたがくれた言葉は
　宝物になって
　この胸で　輝くの
　永遠に…


ずっと、ずっと見つめてた
　真っ直ぐな想いは
　果てしない空へと駆け抜ける
　あふれる涙をそっと
　この手に抱きしめる
　いつかまた　会えるかな
　あの丘で…

如有雷同，實屬巧合?

香港樓盤廣告 - The Long Beach 浪澄灣




Rolex Oyster Perpetual: Yacht-Master II





太相似了，又一個抄到十足的廣告
順帶一提，Rolex個廣告在官網上有得download

但浪澄灣廣告係最近兩星期才在電視播出
都唔駛抄到咁足嘛，香港樓盤廣告除了古靈精怪的樓盤名
連廣告都係風馬牛不相及的，故意淡化實際位置
都以前樓盤廣告較實在，最少睇完廣告都知道樓盤位置

樓盤名稱真係網上熱門回帶題目之一
什麼世界花園，海濱南岸

而家連商場都來個「圓方」
幾時到「圓寂」?

ipod touch 我被毒到了

見過實物，拎上手玩過
蘋果的產品真係神奇
難道又來個「分期」?

我都講過好多次，蘋果產品就好少主動跌價
等一段長時間，就會變成同一價錢，買到更好規格的產品

而家我對 ipod touch興趣大過 iphone好多


講番秋祭，今年原本連第二日都去不到
尤其係這個時候，又焗又熱
event最要命就係「熱」
希望 11月涼番少少
因為天氣關係，完全不在狀態
event後，手腳又開始痛

總結今次發現 eneloop AA電池係十分恐怖
同一排電給閃燈用，上次event用到而家都無叉過
連上次event都閃左好多下
回電速度都無變，比以前叉電耐用好多

下次event試下用 6粒eneloop給D200用
睇下可以用到幾耐?
D200都出名耗電量大
平時每次event一定會用完一粒el-3e

今年的大假我諗都係留在家中
睇埋餘下的《CSI》第五季DVD
還有幾本書一頁都未睇過的，希望能睇完它

今日先留意到 WI-FI通行証
點解而家先留意到，原來我有一張「72小時免費WI-FI上網」

早知尋日用它..................

林姍姍 - 戀愛預告

又係港產片其中的經典系列

歌同電影都係
最近逛三聯，睇到《新藝城神話》一書
雖然已經係十年前的書，但而家睇番都不覺得內容脫節

書中提到睇到港產片黃金時期種種人事，光怪陸離的現象
提到新藝城十年的電影list

而家先留意到，原來我都睇過好多「新藝城」出品的電影

但而家不論港產片同西片
不知為什麼，總係不想入場

可能心裡經常諗著，好快出DVD的，等幾個月想幾時睇都得
又無須要忍受缺德人士如何電影播放中，大大聲爆劇情講電話

尤伯連納 臨死前的忠告

童年時經常從電視機睇這個廣告
家人經常用這個廣告來教導我不要吸煙

可能受這個廣告影響，直到現在我都無成為煙民

譚炳文配音版








原版

School Days 第12話

真係nice boat.

連結尾真係有隻船(都唔知係咪劇透)
又會咁巧合，不過有樣野肯定係
SchoolDays 不論PC版還是TV版，都係話題之作

今集重點係
先係世界插人渣誠
人渣誠死後世界不知所措

言葉見到 419(睇CSI一定知)
跟著順手鋸人渣個頭，再塞落個手提包度

到言葉叫世界上學校天台攤牌
先叫世界睇睇個手提包
跟著順手鋸世界個頸(同鮮血之結末一樣死法)
到世界死左，言葉再用熟練的皮鋸劏開世界個肚睇下有無野

鏡頭重要係肚內的視點
「やっぱり、?だったんじゃないですか。中に誰も入っていませんよ。」
聽完這句都毛骨悚然

到結尾出現Nice Boat.

TV版結局可以講係「鮮血之結末」的威力加強版

血色變成墨汁，震撼力大減
希望DVD版有修正 XD

可能幾年前上網睇斬頭片睇到麻木
先覺得SchoolDays的「恐怖」畫面係小兒科

最後就「重溫」下PC版的「鮮血之結末」
最初玩果陣都係這個結局

Rolex? Omega

Casino Royale其中一段



　「former SAS types with easy smiles and expensive wathes」

　「Rolex？」

　「Omega」

　「Beautiful」

不過今集 007 高科技武器大幅減少
今次出場的 Omega seamaster 系列只係普通潛水表

直度回來了+平靜的中秋節

先講番D200直度手柄，最近的event經常想到它

上次又無約時間，結果先預算
不過直度回來就無所謂了，同人閒談兩個多小時真係好耐無試過

對上一次係和舊同學閒談，談到麥記收鋪

講番直度，我之前買下它係一時間無法適應它先借給人
而家需要它的時候，我就要慢慢適應直度的手感
今年中秋節無去維園，在家平靜地度過(係缺水)
雖然公司有放早，但我都火速返家，趕得及睇完《雙子公主》第51話
睇來我要由第一集開始睇先得

月餅只係吃了半個，今年係我第一次吃「冰皮月餅」
不過我真係唔識食，只覺得好像食糯米磁一樣

這個中秋追月假期就係狂睇《雙子公主》
而家先睇係好遲，果然好爆笑

另外搵到葉振棠果隻「三國演義」
睇下幾時搵到蘇芮果隻「誰可相依」


接近一個月的糧尾日子，就快完結
這個月真係好多事情發生

而家我只想下一個月係減少無謂開支做首要目標

Nice Boat

school Days 最終話就係這個

很漂亮的最終回，可惜我睇的不是1280x720

因為發生殺人案

偏偏這日先來殺人
即係Ending係「鮮血之結末」?

我好佩服放BT種的人，太專業了！
連這個都有得BT

不過轉換下氣氛都幾好(有苦中作樂的感覺)
我無聊到睇風景片睇足廿幾分鐘，好似睇魚樂無窮咁

而家繼「吃熱狗」之後又一個新名詞「Nice Boat」

海闊天空 Beyond Concert 1996

而家睇番百感交集


當年(96年)
用$260買的第一隻也是最後一隻的LD(當年未有DVD)
到02年，LD機壞左，最後要免費送給人
而家諗番有點後悔..............

CD就keep到而家，整成MP3之後就一直無拎隻CD出來聽




歌詞

今天我 寒夜裡看雪飄過
懷著冷卻了的心窩飄遠方
風雨裡追趕 霧裡分不清影蹤
天空海闊 你與我 可會變 (誰沒在變)

多少次 迎著冷眼與嘲笑
從沒有放棄過心中的理想
一剎那恍惚 若有所失的感覺
不知不覺已變淡 心裡愛 (誰明白我)

原諒我這一生不羈放縱愛自由
也會怕有一天會跌倒
背棄了理想 誰人都可以
那會怕有一天只你共我

仍然自由自我 永遠高唱我歌 走遍千里

從谷底爬上來

經過一個月的時間，新工種總算無問題了
由8月頭到9月初，無法自己控制到的事情
有時候就發覺被人「賣豬仔」
再分析「形勢」，而家回望又覺得無乜特別

買了兩個星期的《逆轉3》
終於都玩到第五話，不過玩得好慢


新的ipod公佈

肥版nano興趣不大
classic版就太普通，除了容量大之外

我就對ipod touch興趣較大

除了無電話+相機功能
基本上和i-phone大部份功能一樣

如果買不起 iphone
這個 ipod touch都滿足了

單係有WIFI+Safari，已經比新版PSP更吸引

$2400，蘋果產品有樣野好，就係去到邊都係一樣價錢
但我估計會好搶手，估計等9月28日在街都未必見到

剛剛先出完血，又要出多一次?

1996 - Omega Watch Ad

我承認係因為睇過007金眼睛

先留意到omega seamaster系列

Omega Seamaster TV commercial(Casino Royale)



置入性行銷果然厲害

OMEGA seamaster 2220.80.00

從來無想過買隻OMEGA
之前都係諗住買隻新的ORIS粗用

可惜的係，我唔知道加價一事
早知在加價前果晚買表

第一次去金行買錶
完全係有種大鄉里出城的感覺

付款的方法好自由，用兩張卡碌又得
現金加分期又得

千選萬選，最後買左OMEGA Seamaster 系列
原本打算買speedmaster系列，但想到計時功能根本用不著
加上隻seamaster外型又幾吸引


作為買給自己的禮物，我認為十分超值

CW 24最後都係去了

今次無帶MacBook，除了作用不大之外，電池都係問題
睇來電池這個要放在第二優先(第一係HDD)

見到一條超長的人龍，就決定不入場

據聞今次係排三個鐘都未必入到場
人龍長到去到油站都夠恐怖

究竟係人數太多?還是場地已經不敷應用?
我個人就覺得兩樣都係


今次九展變商場，唯一的好處係飲食方面價錢同出面一樣

帶兩部機，加埋都不足50張

大約到六點就走，行路番德福
等車的時間大約十五至二十分鐘
行番去又係差不多時間

番到德福，順便去商務
想不到竟然搵到我想搵的書
《iWoz》中文版




好多字，有排睇
果幾篇推薦文係可以刪除

終於明白點解有人睇完這本書會有這種感覺

《分裂》+《彩雲國物語》

星期五的返工前買
《分裂》就等左好耐
今次日版出左不足半年就有中文版

《彩雲國物語》就係星期四睇animax
只係睇左一集，覺得好睇
好奇之下就買小說

只係睇了不足三份一


年紀越大，身邊自然多左野分散了注意力
對動漫的興趣慢慢減退
最近兩個月，留意得最多的就係手表

自從戴開隻SEIKO表帶損壞開始，一直想自己買隻合適的手表
不論平貴都睇過，加上google的幫助之下
就決定選ORIS
ORIS的表款都幾吸引，入門機械表首選
價錢可以負擔，如果順利的話，可以在聖誕節買下它

而家部MacBook的電池睇來放多幾次電，粒電就會死
買一粒就$950，我習慣一次過解決問題
反正部MacBook HDD經常唔夠位

不如來一次換HDD+換新電的行動吧
又要儲錢先得

無記播DN，用中文OP可以理解
但唱歌果位人兄，唱到好似就來「心臟麻痹」咁

凌晨播放我都會睇，雖然之前已經睇過
無記的配音係交到功課

還有一星期就係CW，今次我都未必去到了

張洪量 美麗的花蝴蝶

我知道有隻歌先係睇港產片《92黑玫瑰對黑玫瑰》
這套片將這隻歌用來放在結尾來播

到某一日，搭小巴時候，聽收音機先知道唱歌果位就係張洪量

提到張洪量
當然都要介紹下最經典的《你知道我在等你嗎》



我記得小學四年級左右，這隻歌流行了一段時間
當時仲玩改歌詞

現在重溫一番
又回憶好多往事

可惜而家所謂本地流行曲，無法給到這種感覺

八號風球+後記

對上一次八號風球已經係04年的事
難道真係「力場」的關係?

這日，原定係返工前先去銀行入票，放工後行旺角
因為「回馬槍」的颱風
打亂了時間表，不過票就總算入左(個自動入票機又幾好用)

星期五返兩點，但因為颱風關係
未到三點就走得，留在公司不足一小時
浪費車錢+時間
走之前又要執手尾，連內線電話都用不到

最後要打上control先搞掂

但今次我竟然搭地鐵，由公司返到家的總時間
足夠聽完貝多芬第六、第七交響曲

早知道就等過海巴士好過

這個颱風去得不合時，但離去就好合時間
不用返去standby仲想點?

颱風後的星期六，OFF
玩左$40灣岸MT3，我都估不到咁快跌至$2一鋪
連玩二十鋪實在惡頂，睇來要休息下先得

星期日的on duty

因為英超，工作量大增，其實我一直懷疑係STB的問題，尤其係熱力
雖然有線無左英超，但對我來講就無乜分別
一來自己無時間睇
二來個STB未放番去大廳

星期一，打風後的工作日，要清理積壓下來的工作

放工後，終於見到新iMac實物，keyboard好薄好靚
換上金屬外殼的Mac果然不同感覺，這個係要親身試下先明白

真係要買的話，預算連AppleCare一起買
上次買MacBook保養到期前無「補飛」買AppleCare已經係一個賭注
賭上部機的底板/panel兩年內無壞(HDD可以自己換)

買iMac的話我就無法保証三年內部Mac無病無痛

心裡係想買好多野，但現實就不容許我咁做

《太公報》合訂本

相信年過30，都聽過或者睇過太公報

在85年開始出版的綜合港漫《玉郎漫畫》最經典的專欄《太公報》

終於都結集成書，$30真係好抵睇


模仿當時主流報章內容，時事、流行文化都可以從這本書略知一二(當然惡搞成份甚多)
看圖識字簡直一絕，將生果同動物名組合成粗言穢語/色情刊物的名稱

甘小文果類有味笑話，現在重溫都覺得好好笑

絕對係我童年時的回憶之一
難得的係，當年老爸又肯買《玉郎漫畫》給我睇

當時在船上無什麼娛樂，因為發電機要晚上先開
日間睇電視簡直係妄想，唯一的娛樂就係睇《玉郎漫畫》

最後果篇太公報講六四﹐文傳無做自我審查﹐這個值得一讚

我發覺睇合訂本一定要慢慢睇
睇得太快會「消化不良」

見到「咸球」張相玩到不似人形，
將工作時的照片，連老闆黃玉郎都惡搞一番
近籐真彥變近籐周現
中森明菜變中森九兩菜


有傳這本書唔賣得，實在係無稽之談
好多人想買都買不到
又怎會唔賣得?

動漫節Day 5，體力嚴重透支

Day5最後一日，放工就去會展
只帶細機，細機都有好多野做不到

但帶大機又嫌重，下次有機會的話就用 50 F/1.8+sb400
重量可以減到1.5KG以下
如果全裝備就超過2KG，有時我都不明白，點解D人鐘意重裝備

只有一個半鐘，影得好少

不過我無諗過，體力消耗得咁厲害，連相都要翌日先有時間搞

在天空的相簿連科大果堆都未upload，我諗要搵日OFF先有時間搞

動漫節Day 3/大型壽包

Day 2之後只睡了四小時，在9點幾被家人叫去飲早茶
無所謂，反正都成半年無去酒樓

我發覺，去酒樓來來去去都係叫果幾種點心
可能係由細到大都係叫果幾種點心，而家好少酒樓去用推車仔送點心
大部份都係用點心卡就可以坐定定等點心送來

各有各好，我鐘意點心卡多點
因為我懶，就係咁簡單，不過點心卡裡的點心名倒是考起不少人

點心名實在太冗長了，每次都要花時間去理解它


經過Day 2的經驗，今次盡量減輕裝備為大前提
Macbook都帶，但估不到又成為負擔，都係電池的問題
係我用電池不當，還是電池本身不濟，真係一個謎

大機+細機這個係幾好，可以帶少好多野

但今日因為晚上去酒樓吃飯
不能逗留太耐

結果晚上7點就走，無法像Day 2一樣留到9點

又話7點開席，結果又係8點
早開就早食完，又和親戚們閒談
到最尾壽包實在太大，忍不住影番一兩張相

希望這幾個壽包不要浪費掉吧

sb-800回來了

nikon CS星期六開半日，星期日休息
同時13:00前要返到公司

即係要拎閃燈就要先去太古，再返灣仔
出糧第一日就咁多野搞
最要命的係要背重3KG的裝備

之前有點誤會，以為維修費係最少$800
結果係$765，有點開心

返到公司，尤其係返假期
我有種將手榴彈放在褲袋的感覺，這種過度精神緊張已經家常便飯

總之不要自亂陣腳就得

放工就去會展新翼
今次會展個WIFI又開番，但我部MacBook電池消耗得好快，最多得個半小時電力
連upload相上去的時間不足
睇來買新電池.................一粒電$950
解決左財政問題再算
結果部MacBook又成為我的負累...........

會展光源混亂，係考驗應變能力，不能一本通書睇到老
細機有好多張都係用 M mode
同時將飽和度set番 std，感覺良好


出糧的晚餐，就係久違的滑蛋叉燒
上個月完全無食過
不過只開心幾日，跟著又陷入財困之中..............

電影《聖誕快樂》(1984年) 插曲「等」

電影《聖誕快樂》
我都睇過好多次，睇到連對白都識背


「等」 MTV



我而家覺得本地80年代舊歌好過而家好多
聽舊歌聽得耐就越不想/不肯去接觸現今所謂「本地流行曲」

已經有種「本地歌=差」的主觀感覺

港產片都係，以前港產片的種類多不勝數
就算係爛片都有似樣的劇本

唔似而家咁，我連買正版DVD/VCD都慳番
又係果個主觀地認為「本地=差」

點解會咁?

虹色的青春

十年前的Game
心跳回憶劇場 Vol.1虹色的青春



其實未玩《虹色》之前已經係迷虹野多過詩織
因為詩織在正傳太難追，連人氣榜上
虹野沙希人氣度係高過藤崎詩織


當年知道外傳第一集就係虹野擔正做主角，就好開心
直到1997年7月10日，終於可以玩這隻game了

外傳同正傳最大分別就係外傳遊戲裡的時間很短
連遊玩時間都好短基本上一日可以玩完

除了正篇故事
還有不同種類mini game

例如在《虹色》裡
練習足球果part係要到某個級數，先去到goodending
到《彩之愛歌》就進化到三個不同版本的ending歌
《旅立之詩》goodending首要條件係練習馬拉松能完成公園一周

以上的的mini game難度不算高

好像講得太遠
講番《虹色的青春》
三隻外傳最鐘意都係《虹色》，其次是《旅立之詩》，最後是《彩之愛歌》
今次先講《虹色》主角係虹野沙希，無配角的ending
但有關配角的故事都會作適當的補足
甚至到《彩之愛歌》爆機後有一個「放課後篇」

《虹色》故事，我就忘記了大綱，只記得假日買用品變二人的約會
去到服裝店玩mini game勝出就睇到虹野著婚紗
個mini game係類似Mastermind

到大賽前夕因為一個誤會，主角想退出足球部

到最後虹野的留言電話(只記到咁多)
一切都好像發生過一樣，而家都無隻game令我有這種感覺







故事係有點老套，但感動人心先重要
現在接觸 tv game時間越來越少

《虹色的青春》係我十年前回憶的一部份
真係要多謝 youtube了

文筆還是差好多，畢竟我寫文章能力有限
但寫完後好有滿足感
能寫自己喜愛的事物，對我來講係宣洩不滿的機會

下一篇應該會寫《彩之愛歌》
除了主篇故事
「放課後篇」都係值得一寫，但要搵番本攻略先得

A貨迪士尼

內地已經有一個「迪士尼」



內地假野層出不窮，可以整個樂園都照抄可也

真係「化神奇為腐朽」
各種人物大玩crossover
睇到類似「叮噹」的物體，就笑到停唔到
巡遊似妖獸出籠，惡搞版高飛狗
基因突變的米奇同米妮

這個場原來專做內地客，連香港導遊好多只聽過其名
今次被日本電視台踢爆
又被人放上youtube，短短幾日已有幾十萬人睇過

今次這個樂園真係「全球知名」了

不過人家「樂園」雖然係抄人
但它又做到吸引大批人

香港的迪士尼真係認真要學下如何吸引入場人次
不要在高高在上了

《誰可相依》

先係蘇芮的《誰可相依》
電影《龍的心》主題曲



在youtube真係搵到好多回憶

《龍的心》我係斷斷續續咁睇，未試過完整地一次過睇完
當年在電視機播果陣係聽到《誰可相依》這首歌先留意到這套電影
不愧為經典，在而家經典回帶的時代，要尋找這隻歌應該唔難
反正而家經典歌精選銷量好多而家新人+K歌N倍


提起蘇芮
當然要介紹成名曲《酒干倘賣無》



電影《搭錯車》主題曲
《搭錯車》我係可以一次過睇完的電影，睇完好想哭

VCD都翻出過N次，這套片未見過「修復版」
反而《龍的心》就有

M記的WiFi服務

兩日紅日加一日OFF
總井三日假期，咁就過左

這三日，完全的頹廢的生活
其中兩日係晚上到凌晨五點先訓，跟著下午一點起身
食完飯就玩一陣電腦，又訓番

係星期一(9號)出左一陣旺角
買左本《逃離學校》
而家只係睇左四份一...........

可寫到這裡，我又記番起這幾日的事情
但好散，好混亂

4號果晚同人裝新的router，舊的就暫時保管
後來發覺舊的router只係setting無左，咁就順便update左firmware
隻WRT54G 雖然外型無變過，但就有N個版本( 最新果個係ver.7.0)
果晚整左咁耐，又肚餓返屋企前落麥當勞食個餐
整機果陣又帶左部MB去，見到人家又帶notebook上youtube
又無用 外置modem

好奇心之下一試，開airport，見到y5zone Hotspot，Connect左後再開firefox
就會見到麥記WiFi主頁。
登入試用版選「同意」就得，可能係佢地setting有問題
我上足四十分鐘都無cut線

我就覺得好奇怪點解這類服務，完全無做宣傳?
係怕D人只坐，唔買野食(這個情況在老人區經常出現)
現時notebook電池平均兩小時，最多都係三小時
notebook開wifi一定食電，麥記又無13A插座任用
不過點都好，總好過用貴夾唔抵的HSDPA

5-7號就連返三日工，幸好無什麼「大鑊」野留給我

8號就係頹廢的一日，和開頭講的一樣
都係去youtube「尋寶」，話youtube係尋找回憶的地方絕不誇張
尤其係而家這個新不如舊的年代


9號就係無法忍受先行出去旺角買本《逃離學校》
順便睇左lucky star第一話，好似無預期中咁好
玩SF 2果段好正，我諗會追下去

Policenauts Demo 1995 Ver.

好奇怪 MGS系列就好多人知道
同樣係小島秀夫監督
但這隻 Policenauts 就比較少人知道

雖然係十年以上的舊Game
而家睇番個故事絕對可以拍電影
可能隻game本身係當作一部電影來製作

幾個移植版之中，SS版係最終形態
連PS版的用語集都收錄在內，有時game的專有名詞難以理解
SS版就有個用語搜尋系統方便玩家，果個用語解說真係太詳細
連「非接觸式車票」都有

如果玩過心跳Drama系列就留意到，game的系統係來自這隻game
甚至某些場景都有用(虹色的青春裡面的過山車)
心跳Drama系列睇的「電影」
係Policenauts同Metal Gear Solid

虹色的青春仲有個突發答問，講番電影的內容
未玩過policenauts的會不明白問什麼
例如NARC係乜?

講番點解我會接觸這隻game?
在96年8月左右，睇《Game player》的遊戲小說系列
(我記得果一期有DEATH CRIMSON的game評，這個有時間再講)
真係佩服編輯有時間去翻譯這隻做足資料搜集的game

只係睇左一期就對隻game著迷，主要係被世界觀吸引
後來睇發售時間表，SS版係1996年9月13日發售
(而家還保存著，PS版我都有)

我記得係玩兩次先知道整個故事
最初只係尋人，到中段就發覺係好大陰謀

(睇PS版的資料集，原本係悲劇收場，主角最後係射殺。最後先改番無咁慘)

開心主流派

25歲以上的應該睇過這個搞笑節目




ATV有時凌晨會重播

但到而家都係無出過VCD/DVD

講開這個搞笑節目
我記得同期無線有《笑星救地球》

而家香港電視台已經無這類型的節目...............


而家要重溫搞笑節目
只有買《雙星報喜》VCD
又或者去 youtube睇

雙星報喜 - 野火會趣談



雙星銀行

15日-18日大集合

上回講到去花卉展，今年去完就覺得同去年差不多
今次連DSLR都無帶，只帶部LX-2去就算
影得唔係幾好，我唔會賴部機或者係天氣
我好清楚係自己問題

影左兩小時左右就去中央圖書館，利用MacBook去上網
oh shit!!!!

館內的13A插座set得太低，MB個火牛頂住用不到
離開時先記起個火牛係有條延長線
下次再去中圖就帶吧

雖然我自己有圖書証，但我從未借過書睇

去完行去銅鑼灣世貿5樓打機，真係好耐無去過機鋪
打完機就去sogo買雜誌

今次買本《Mac Fan》《Mac people》有些內容太深
《Mac fan》定位較容易明白

難道下次要兩本一起買?

卡數出來了，今次真係要用預備金填數

前幾日，行電腦商場，睇到120GB SATA 2.5吋 HDD好抵買
睇來MacBook換HDD的日子都不遠

這個都要等卡數問題解決後先再講吧

睇完死亡電影版
這個結局我覺得唔錯，整個故事重心放在L同夜神月的對決
無漫畫版果種拖泥帶水的感覺

老實講我睇漫畫版的第二部係求其睇完就算
動畫版就開始有這個傾向

今次港版DVD出得幾快


星期日休息就遇到爆街喉，無食水
有得用水的時候就唔去珍惜，到無水用先識得珍惜

無計，這個係人的本性
到有水用之時，就忘記無水用的苦況


剛剛睇新聞話十點先有水用
水務署只派一部水車來，根本應付唔到繁忙時間

希望十點後真係有水用

DVD+HDD錄影機的麻煩操控

在今日，我親身體驗過DVD+HDD錄影機異常複雜的操控

DVD錄影機無錯在規格上係比VHS好
但操控就真係比VHS機差

簡單的錄節目落HDD/DVD碟不算難
但某P牌機的操控
係我見過的機之中最複雜的一個

將HDD的節目燒錄成DVD
單係這個程序都嚇死人

放隻+R空碟入機之時就係惡夢的開始
先按diver要set DVD
部機問你要不要format?(我都係第一次聽到+R碟係要Fomat)

format完就set番做HDD
開始HDD--->DVD的工作
OH!!!部機原來有高速燒錄
不過要在錄影果個setting度搞先用到，又唔早D講!!!!!

(我都唔起得自己按左幾多掣)
用常速燒錄係惡夢，一個三十分鐘的節目真係錄足三十分鐘

唔好講什麼cut廣告，我連部機在做緊乜都唔知，按on screen永遠無info
(人家另一個P牌都有簡單指示吧)

經過幾次失敗後，大約知道要點做
不過如果我教人要按邊粒掣的話，我怕怕了

那些影音廠商，真係要好好反省一下。
尤其係說明書果part，我都係第一次遇到係睇完說明書都唔明白
中文解釋又令人摸不著頭腦，又要來個中英對照

點解純DVD Player就做到簡單的介面，加上錄影功能就複雜N倍?
錄影機最基本的工作是錄影，規格點勁都好
連set預較都要花十分鐘以上，HDD/DVD的選項又分得太仔細

我只係想好似以前VHS時代咁
入帶、選台、按REC
就係咁簡單


經過這次之後，我對DVD/HDD錄影機改觀了，機能上方便，但操控玩死人
(我發覺係被部機玩緊)

真係「身在福中不知福」
原來我部DVD錄影機個操控都算簡單，因為無內置HDD
最多係換碟煩少少
不過全家人都係得我一個識用部機，咁落去不是辦法

CSI系列 DVD

未買第一季(DVD出到第六季)

而家只係睇到第二季,今次順便買下第三季
真係大出血
一套 $270(有一間夠膽標價四百幾,好彩睇多幾間格價)



基本一個Boxset 8隻碟
一日最多只能睇兩隻碟
有排睇,我真係睇乜都遲過人

希望過年前能買下其餘box set吧(最重要唔好過年前加價)


有關CSI
這個去維基百科就搵到更多

最初我連CSI係有衍生系列都唔知道
除了睇動畫之外,我都要搵其他片來睇

套片是否適合自己睇,始終都係親身睇過先知道

《戀愛上載》《睇驗生活》

原本只想買《戀愛上載》
不過自己有個習慣係入書店會睇下有無其他書買

最後就買左本《睇驗生活》


果本《戀愛上載》仲未睇
《睇驗生活》我已經翻睇幾次

一直有睇開《AV Magazine》(影音雜誌)
亞里安寫的文章係幾好睇,有些重講出我的心聲
如今輯錄成書,每次睇完後就覺得本地唱片業同電影業係無藥可救

雖然有D文章係03年,但而家睇番都唔覺落後
甚至係「預言」也不為過
例如講Copy Control CD
03年真係有好多CD加上這種保護,但到05年後就少左
因為CCCD防唔到盜版之餘,連買正版的消費者都嚇怕
最好笑係CCCD只對windows有效
對其他OS(Mac、Linux)係無效

這個係「歧視」嗎?

Stop、Stop、Play

有睇開DVD碟的一定遇過這種情況
將隻碟放入機後
畫面就有「警告字句」有關版權聲明等等

這個警告快就10秒,耐就30秒都有
你不能按Menu跳過,有些就可以按「skip」來跳過它
都有一類連Stop、Stop、Play都跳唔到

其實我好討厭這類警告字句
VCD果D就用FF就容易跳過,但DVD一定要睇
我買隻正版碟,點解一定要硬食警告字句?
可能係硬性規定吧

而Stop、Stop、Play就可以跳過「警告」來直接入DVD Menu


好簡單,DVD碟放入機之後狂按stop
總之係load到「警告」之前按stop掣兩次以上
(DVD機的Resume因為按stop多次而取消)

成功的話,機就唔會自動播放「警告」
跟著再按Play,就會直接入DVD Menu

我試過好多DVD碟,這個方法最適合心急的用家(例如我)

當然都遇過有D碟係連這個方法都唔得
焗住要「硬食」其廣告
唔記得係邊套片,廣告係sony NetMD廣告,當時真係邊睇邊鬧
睇影音雜誌講,HDDVD係做到入碟後
可以立即睇到套戲,入menu的時候仲可以邊睇邊選
唔知道Blu-ray係咪咁?

其實這個題目想講好耐
因為最近一星期狂買DVD碟
先諗起我係未寫過這類文章

今日(14號)
連一部有升頻的DVD機都買下來
YAMAHA DVD-S1700


1080i真係「零舍不同」
HDMI真係一個偉大的發明,駁線難度大大減低
今次只係駁三條線就搞掂
(電源/HDMI/optical)
$3000樓下就有這類機種
唯一缺點係遙控反應比733A慢

$3000樓下仲想點?

季節を抱きしめて Trailer

季節を抱きしめて Trailer


擁抱季節隻op
到而家都覺得幾好聽

由98年買隻CD single到而家
播放次數肯定過百
有段時期係不停loop來聽

講起來,這個やるドラ系列

PSP版基本上完成了我的心願