銀行有罪?

今日無聊走上三聯，除了尋找 K-on!裡出現過的 LAMY safari 鋼珠筆
無錯係見到有得賣，但要 $300以上就真係要考慮下

但尋找鋼筆係其次，入書店都係睇下有什麼新書
雖然家裡書櫃早已塞爆，但買書/漫畫/小說這個習慣到而家都無變

偶然睇到本《銀行有罪?》一書，之前我對銀行硬銷保險一事好反感
但我又好想知道實情係如何?
本書寫得好生動，不沉悶

書本的序都提到，因為雷曼迷債事件，銀行為求拉客用盡手段
作者打正招牌做「無間道」，揭盡銀行業界的千奇百怪現象(例如R息、宣傳用字等等)

內容精彩絕倫，尤其係睇到某段銀行sell保險手法，同我當時遇到的一模一樣
除了爆料，都有講解應對策略。

大原則就係千萬不能盡信職員，書裡面講的都有道理
只要你不簽名，職員都無可奈何(冒簽、簽blank from係另一回事)
我理解前線職員的苦況，但就不能認同這種硬sell行為

本書大約只花兩小時就可以睇完
睇完可能會有幾種心態

1.明白前線職員果種「啞子吃黃蓮」的苦況，寄與同情

2.因為知道銀行sell產品策略，就繼續玩弄前線職員

3.已對銀行失去信心，不論銀行sell什麼都抱懷疑的態度

我自己的心態就係1同3

P.S 本書有點重。點解人家內地書/台灣書都用輕的紙
只有香港書先咁古怪，除了奇形怪狀的size之外，連書本都重過人?