亞視還有什麼招數可出?

4月1日開始亞視重整數碼頻道


睇到這個消息，總覺得亞視究竟搞什麼?
當初堅持用國產制式(後來的)DVB-TH係亞視，無記用歐洲DVB-T制式
有關過程就睇這裡

結果拖到07年尾先有數碼廣播
亞視所謂高清頻道每日只播兩小時，我真係懷疑過係咪應酬政府先咁做?
多頻道都無用，除了新聞台之外全部都係重播台
再加上CCTV4，真係唔想講亞視係中央十台都唔得
去年年尾的「十二日維新」
已經覺得亞視等於末期癌症，而家連轉亞視都費事

但有關4月1日的轉頻道就有好奇心
好想知道亞視還有什麼招數可出?


P.S 十幾年前睇《便利》有次「快慢必」講亞視個名改得唔好
亞亞聲，即係亞軍。應該改名做「冠洲電視」
冠軍好過亞軍嘛。睇完之後我笑左好耐

而家諗番起又想笑，同時覺得好無奈
因為亞視長期弱勢，無記已經當亞視無到
一台獨大的結果是點樣?而家已經有眼見。